Aýa raıy
Astana -3 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Májilis tóraǵasy Moldova jáne Aýǵanstan delegatsııalarymen kezdesti

2019 jyldyń 22 qyrkúıek 2019 17:03

NUR-SULTAN. QazAqparat –Májilis spıkeri Nurlan Nyǵmatýlın Moldova Respýblıkasy Parlamentiniń tóraǵasy Zınaıda Grechanyı bastaǵan delegatsııamen kezdesti. Bul týraly QazAqparat Májilistiń baspasóz qyzmetine silteme jasap habarlaıdy.

Moldova delegatsııasy 24 qyrkúıekte Nur-Sultan qalasynda bastalatyn Eýrazııa elderi Parlamentteri spıkerleriniń 4-keńesine qatysýǵa kelgen.

Taraptar ekijaqty, sonyń ishinde parlamentaralyq yntymaqtastyqty damytýdyń ózekti máselelerin talqylady.

N. Nyǵmatýlınniń aıtýynsha, elderimiz arasynda saıası dıalog, saýda-ekonomıkalyq jáne mádenı-gýmanıtarlyq qatynastar qarqyndy damyp keledi.

Kezdesý ıeleri eki eldiń áriptestigin kúsheıtýde Parlamentter róliniń zor ekenin aıtty. Moldova Parlamentiniń tóraıymy yntymaqtastyq jónindegi toptar men beıindi komıtetter arqyly Qazaqstanmen parlamentaralyq baılanystardy nyǵaıtýǵa yntaly ekenin jetkizdi.

Májilis tóraǵasy, elder parlamentterimen qatar, TMD PA, EQYU PA basqa da halyqaralyq parlamenttik uıymdarmen belsendi is qımyldyń qajettiligin atap ótti.

Kezdesý sońynda mártebeli meıman arnaıy shaqyrý úshin alǵysyn bildirdi.

Sondaı-aq, Májilis spıkeri Nurlan Nyǵmatýlın Aýǵanstan Parlamenti Volesı Djırga tóraǵasy Mır Rahman Rahmanı bastaǵan delegatsııany qabyldady.

Delegatsııa Eýrazııa elderi Parlamentteri spıkerleriniń 4-keńesine qatysýǵa kelgen.




Májilis Tóraǵasy atap ótkendeı, Aýǵanstan Islam Respýblıkasy Qazaqstannyń Ortalyq Azııadaǵy mańyzdy saıası áriptesi.

Qazaqstan atalǵan eldegi jaǵdaıdy turaqtandaryý boıynsha halyqaralyq qaýymdastyq kúshine óz úlesin qosa otyryp, qarjylyq, tehnıkalyq jáne gýmanıtarlyq kómek kórsetýdi jalǵastyratyn bolady.

Óz kezeginde Mır Rahman Rahmanı Aýǵanstanǵa Qazaqstan tarapynan kórsetilip jatqan kómek úshin, sonyń ishinde, Qazaqstannyń Tuńǵysh Prezıdenti Nursultan Nazarbaev bastamashy bolǵan ǵylym, bilim jobalary úshin alǵysyn bildirdi.




Taraptar 65 eldiń ókilderi jınalǵan bedeldi forým qatysýshy barlyq elderge jan-jaqty tıimdi jáne paıdaly pikir almasýǵa múmkindik beretinine senim bildirdi.

Mártebeli meıman arnaıy shaqyrý úshin alǵysyn jetkizdi.


Basty sózder: Parlament, Moldova,
Joǵary qaraı