Aýa raıy
Astana -15 °S
Almaty 6 °S
valıýta baǵamy
USD 421.58
EUR 496.83
RUB 5.53
CNY 62.20

Májiliste bıýdjet zańnamasyn jetildirý boıynsha zań jobasy birinshi oqylymda maquldandy

2020 jyldyń 28 qazan 2020 14:48

NUR-SULTAN. QazAqparat – Parlament Májilisinde QR keıbir zańnamalyq aktilerine bıýdjet zańnamasyn jetildirý máseleleri boıynsha ózgerister men tolyqtyrýlar engizý týraly zań jobasy birinshi oqylymda maquldandy, dep habarlaıdy QazAqparat tilshisi.

Parlament depýtattary bastamashy bolǵan zań jobasy bıýdjet zańnamasyn jaqsartý jáne bıýdjettik rásimderdi ońaılatý, sondaı-aq bıýdjetaralyq qatynastardy jetildirý maqsatynda ázirlengen. Zań arqyly memlekettik tapsyrma tetigin jetildirý sheńberinde ákimshilerdiń memlekettik tapsyrma nysanynda oryndalatyn qyzmetter qunynyń baǵa belgileý ádistemesin bekitý kózdeledi.

«Sonymen qatar kórsetiletin qyzmetterdiń bir bóligin qosalqy merdigerlik uıymdarǵa berý boıynsha shekteý belgilenedi. Budan basqa bıýdjetaralyq qatynastar sheńberinde óńirdiń áleýmettik-ekonomıkalyq damýyna jáne onyń ınfraqurylymyn damytýǵa jer qoınaýyn paıdalanýshylardyń aýdarymdaryn oblystyq máslıhat belgilegen kiristerdi bólý normatıvteri boıynsha esepke jatqyzý usynylady», - dedi zań jobasyn oqyǵan depýtat Omarhan Óksibaev.

Sonymen birge zań jobasynda Bıýdjet kodeksinen bıýdjet protsesinde paıdalanylmaıtyn arnaıy rezervti jáne shartty túrde qarjylandyrylatyn shyǵystardy belgileý tetikterin alyp tastaý kórsetilgen. Jumys tobyna kelip túsken usynystar múddeli mınıstrlikter men vedomstvolar, úkimettik emes uıymdar ókilderiniń qatysýymen jumys tobynyń úsh otyrysynda jáne Qarjy jáne bıýdjet komıtetiniń keńeıtilgen otyrysynda qaralǵan. Parlament Májilisiniń barlyq komıtetteri oń qorytyndylar bergen.


Avtor Aıan Bekenuly
Basty sózder: Parlament, Bıýdjet, Zań,
Joǵary qaraı