Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Májiliste óńirlerde sapasyz salynǵan mektepter máselesi kóterildi

2021 jyldyń 22 qyrkúıek 2021 11:53

NUR-SULTAN. QazAqparat – Parlament Májilisiniń jalpy otyrysynda depýtat Baýyrjan Sartbaev jańa mektepterdiń qurylysyn baqylaý quzyrettiligin Bilim jáne ǵylym mınıstrligine berýdi surady, dep habarlaıdy QazAqparat tilshisi.

«Nur Otan partııasy fraktsııasynyń depýtattary jazǵy halyqpen kezdesý aıasynda bilim berý obektileriniń qurylysymen tanysyp, búgingi tańda memlekettik qarajat esebinen mektep qurylysynyń sapasyna, onyń ishinde jańa bilim mazmunyna sáıkestigine, oqýshylardyń fýnktsıonaldy saýattylyǵyn damytýyna, pándik kabınettermen jabdyqtalmaýy, qosymsha bilim berý jumysyn uıymdastyrýǵa múmkindikterdiń qurylys kezinde qarastyrylmaýyna qatysty alańdaýshylyǵyn bildiredi. 2021 jyldyń 7 qyrkúıeginde Qazaqstan Respýblıkasy Parlament Májilisiniń Mádenı-áleýmettik damý komıtetine Bıýdjetti talqylaý aıasynda 800 mekteptiń qurylysynyń barysy týraly baıandaǵan QR Bilim jáne ǵylym vıtse-mınıstri B. Asylovanyń: «Bilim jáne ǵylym mınıstrliginde atalǵan mektepterdiń qurylysynyń barysyn kórý jáne baqylaý, kún saıyn monıtornıg júrgizý quzyrettiligi joq. Bul týraly birneshe márte aıtyp kelemin. Bizde mektepterdiń daıyndyq deńgeıin qaraıtyn tipti qurylysshy mamandar da joq», – degen jaýabynan keıin alańdaýshylyq odan ári tereńdeı tústi», - dedi B. Sartbaev Premer-Mınıstrdiń orynbasary

Eraly Toǵjanovtyń atyna joldaǵan saýalynda.
Osy oraıda ol jańa memlekettik jalpy bilim beretin mektepterdiń tıisti qural-jabdyqtarsyz, atap aıtqanda, hımııa, fızıka, bıologııa, geografııa jáne úıirme kabınetterinsiz paıdalanýǵa berilýi qanshalyqty qısyndy ekenin surady. Osy sebepti oqý qyzmetine lıtsenzııany ýaqytynda ala almaıtyn mysaldar bar. Sonymen qatar, jalpy bilim beretin mektepter jan basyna shaqqandaǵy qosymsha bıýdjettik qarajatty paıdalaný arqyly obektiniń bastapqy eksplýatatsııasy kezeńinde jabdyq satyp alýǵa májbúr. Alaıda, bul másele memlekettik-jekemenshik áriptestik jaǵdaıyndaǵy mektepter qurylysynda jáne jeke ınvestıtsııalardyń mektep qurylysynda oń sheshilgen.
«Memlekettik mektepterde qarapaıym halyqtyń balalary oqıtyn eskersek, bul bilim berý mekemelerinde bastapqy qurylysy kezinde pándik kabınetterdi josparlaýǵa, sol arqyly oqý protsesin sapaly uıymdastyrýǵa, balanyń tulǵasyn jan-jaqty damytýǵa ne kedergi?
Osyǵan baılanysty «Nur Otan» partııasynyń músheleri ýákiletti organǵa usynys jasady:
- Birinshiden, oqýshylardyń oryn tapshylyǵy deńgeıiniń naqty qajettilikterine sáıkes mektepterdi jobalaý, qurylysyn boljaý jáne jańartýdy saraptamalyq sapaly deńgeıde josparlaý qajet.
- Ekinshiden, aýyldyq jerlerdegi modýldik mektepterdiń tıptik jobalaryn daıyndaý boıynsha túsinikteme berýdi kerek.
- Úshinshiden, memlekettik qarajat esebinen mektepterdiń qurylysy kezinde qolaıly bilim berý ortasyn qurýdy eskerý qajet. Mektep basshylary ǵımarat salý kezinde 2 sport zaldy qarastyrýdy suraıdy. Ol úshin, normatıvtik quqyqtyq aktilerge ózgerister men tolyqtyrýlar engizý, bilim berý uıymdaryn pándik kabınetter jáne qosymsha bilim alýǵa arnalǵan qural-jabdyqtar ári jıhazdarmen tolyq jabdyqtalýdy qamtamasyz etýdi qarastyrý qajet.
- Tórtinshiden, oqýshylardyń oryn tapshylyǵyn sheshýge baǵyttalǵan zamanaýı bilim berý ortasyn qurý jáne sapaly bilim alýyna teń qoljetimdiligin qamtamasyz etý máselesi Bilim jáne ǵylym mınıstrliginiń qaraýynda ekendigin eskerip, jańa mektepterdiń qurylysyn baqylaý quzyrettiligin de osy ortalyq memlekettik organǵa berý suraldy.


Avtor Rýslan Ǵabbasov
Basty sózder: Parlament, Qurylys, Bilim, Aımaq,
Joǵary qaraı