Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Medal alýǵa barlyq kúshimizdi salamyz - Mádiǵalı Qarsybekov, short-trekten ulttyq quramanyń bas bapkeri

2022 jyldyń 27 qańtar 2022 09:30

NUR-SULTAN. QazAqparat - XXIV Qysqy Olımpıada oıyndaryna qatysatyn Qazaqstan quramasy eldegi sońǵy jattyǵýlaryn aıaqtap, búgin Beıjiń qalasyna ushady, dep habarlaıdy QazAqparat tilshisi.

Osy oraıda, short-trekten ulttyq quramanyń bas bapkeri Mádiǵalı Qarsybekov myrzaǵa qońyraý shalyp, Olımpıada aldyndaǵy daıyndyǵy týraly surap bildik.

Telefon tutqasyn eki-úsh márte qońyraýdan keıin kótergen bapker birden qatty qarbalas, kóp suraqqa jaýap berýge ýaqyty joq ekenin aıtty.

- Olımpıadaǵa attanǵaly jatyrmyz. Tym qarbalas edik, dep bastady sózin bapker.

- Joldaryńyz bolsyn! Qandaı daıyndyqpen ketip bara jatyrsyzdar?

- Daıyndyǵymyz jaman emes. Jospar boıynsha barlyq oqý-jattyǵýdan óttik.

- Buıyrsa «medal alýǵa múmkindigimiz bar» deısiz ǵoı...

- Medal alýǵa barlyq kúshimizdi salamyz. Úzdik mamandardy jınap jattyǵý jasadyq. Qazaqstanda da, Reseıde de jattyqtyq. Kórshi elderdiń úzdik sportshylary sparrıng qarsylas boldy. Endi, medal alýǵa Beıjińde bar kúshimizdi salamyz.

- Sizdiń shákirtińiz Abzal Ájiǵalıev ekinshi márte Olıpıadada Qazaqstan týyn alyp shyǵý qurmetine laıyq dep tanyldy. Bul Ájiǵalıevke úlken jaýapkershilik ekeni anyq. Jalpy shákirtterińizdiń ishinen kimdi júldege laıyq dep sanaısyz?

- Bul jigitke úlken úmit artylyp otyrǵany anyq. Alaıda men ózim bapker retinde barlyq shákirtterimdi júldege laıyq dep esepteımin.

- Shákirtterińizben de az-kem áńgimelessek, qarsylyǵyńyz bolmasa...

- Renjimeńiz, Olımpıadaǵa deıin barlyq shákirtterim tilshilerge jabyq.

- Rahmet! sáttilik serik bolsyn...


Foto: inbussines.kz


Joǵary qaraı