Aýa raıy
Astana 5 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Medıtsınalyq qyzmetterdi qashyqtan qalaı alýǵa bolady

2020 jyldyń 15 tamyz 2020 10:42

NUR-SULTAN. QazAqparat - Áleýmettik medıtsınalyq saqtandyrý qory karantındik sharalarǵa baılanysty qazirgi shekteýlerdi eskere otyryp, azamattarǵa medıtsınalyq qyzmetterdi qashyqtyqtan qalaı alý kerektigin túsindirdi. Qordyń taratqan málimetine qaraǵanda, birqatar qyzmetterdi qashyqtan alýǵa jaǵdaı jasalǵan, dep QazAqparat tilshisi.

Qordyń túsindirýinshe, salalyq medıtsına mamanynyń keńes berýi, telemedıtsına arqyly konsýltatsııa, sondaı-aq rentgen sýrettin qaıta qaraý, elektrokardıogrammany dekodtaý endi qashyqtyqtan qabyldaý kezinde de qoljetimdi.

Buryn qashyqtan keńes berý sozylmaly aýrýy bar naýqastardy (ýchaskelik jalpy praktıka dárigeri, terapevt, pedıatr) dınamıkalyq baqylaý kezinde qoldanylǵan. Qashyqtan medıtsınalyq qyzmet kórsetýdiń erekshelikteri 17 shildeden bastap kúshine engen Halyq densaýlyǵy jáne densaýlyq saqtaý júıesi týraly kodekste (129-bap) aıqyndalǵan.

Zamanaýı tehnologııa men ártúrli baılanys arnasynyń arqasynda medıtsınalyq uıymdar patsıentke qashyqtan qyzmet kórsete alady. Aldaǵy ýaqytta qashyqtan kórsetiletin qyzmet tizimi keńeıtilmek.

Dárigerdiń onlaın keńesin qalaı alýǵa bolady?

1. Óz emhanańyzdyń Call-ortalyǵy arqyly nemese basqa baılanys arnalary, mobıldi qosymsha arqyly dárigerdiń keńesine jazylý (bar bolsa).

2. Keńes berý kúni men ýaqytyn tańdańyz. Sonymen qatar, salalyq medıtsına mamanynyń qabyldaýyna jazylý úshin aldymen ýchaskelik dárigerden joldama alý kerek, ıaǵnı eń aldymen terapevtke/JPD-ǵa qabyldaý úshin ótinish berý kerek.

3. Tańdalǵan baılanys arnasy arqyly mamannan belgilengen ýaqytta qońyraý (aýdıo nemese vıdeo) kútińiz.

«Dárigerden keńes alý úshin emhanaǵa barýdyń qajeti joq. Ol naýqas qaı jerde bolmasyn, qashyqtan qoljetimdi. Bul jaǵdaıda dáriger dári-dármekterge retsept jaza alady. Eńbekke jaramsyzdyń paraǵyn, zerthanalyq zertteý nátıjesin kórýge bolady. ıAǵnı, osy qyzmetterdi alý úshin emhanaǵa kelýdiń qajeti joq», – delingen habarlamada.

Qor ókiliniń túsindirýinshe, qashyqtan medıtsınalyq qyzmetter dıagnostıka, emdeý, medıtsınalyq ońaltý jáne aýrý men jaraqatyń aldyn-alý, sandyq tehnologııa kómegimen zertteý júrgizý jáne baǵalaý úshin usynylady.

Bul rette ýchaskelik dárigerdiń qashyqtan keńes berýi MSAK medıtsınalyq uıymdaryna jan basyna shaqqandaǵy normatıv tólemi sheńberinde TMKKK tizbesine, al naqty kórsetilgen qyzmetter úshin (TMKKK boıynsha qyzmet kórsetiletin sozylmaly, áleýmettik máni bar jáne ınfektsııalyq aýrýlardan basqa) MÁMS sheńberinde salalyq medıtsına mamandardyń konsýltatsııasy kiredi.

Suraq bolǵan jaǵdaıda azamattar qordyń Qoldau 24/7 mobıldi qosymshasy arqyly júgine alady.


Joǵary qaraı