Aýa raıy
Astana -9 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Medıtsınalyq JOO stýdentteri men oqytýshylary aýrýhanalarda kómektesip júr

2020 jyldyń 20 shilde 2020 16:28

NUR-SULTAN. QazAqparat – S. Asfendııarov atyndaǵy Qazaq ulttyq medıtsına ýnıversıtetiniń stýdentteri men professorlyq-oqytýshylyq quramy koronavırýs pandemııasy kezeńinde medıtsınalyq uıymdar men volonterlik shtabtarda jumys istep júr, dep habarlaıdy QazAqparat tilshisi.

«Ýnıversıtetimizdiń stýdentteri jáne professorlyq-oqytýshylyq quramy koronavırýs pandemııasy kezeńinde medıtsınalyq uıymdar men volonterlik shtabtarda jumys istep júr. Karantınniń alǵashqy kúnderi-aq qyzmetkerlerimiz ben rezıdentterimiz juqpaly aýrýǵa qarsy turdy. Stýdentter tájirıbedegi dárigerlerge kómektesip júr. Qaladaǵy patologoanatomııalyq bıýroda, jedel shtabtar men karantın ortalyqtarynda da stýdentterimiz járdem kórsetýde. Bizdiń eriktiler az qamtylǵan otbasylarǵa azyq-túlik pen dári-dármek tasıdy. Jumyssyz qalǵandarǵa jumys tabýǵa kómektesedi», - dedi rektor Sybaılas jemqorlyqqa qarsy qyzmet uıymdastyrǵan onlaın kezdesýde.

Onyń aıtýynsha, ýnıversıtettiń 400-ge jýyq rezıdenti men ınterni qalalyq klınıkalarda, ınfektsııalyq statsıonarlarda jáne emhanalarda jumys istep júr.

«Patologoanatomııalyq bıýroda 15 adam jumys isteıdi. Volonterlik shtabta 85 erikti stýdent júr. 350-ge jýyq oqytýshy qalalyq statsıonarlar men klınıkalarda jumys isteıdi», - dedi rektor.

Buǵan deıin rektor medıtsına mamandarynyń tapshylyǵy týraly pikir bildirgen edi.


Joǵary qaraı