Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Medsaqtandyrý: Bıyl 907 mln teńgeniń qyzmetteri kórsetildi

2021 jyldyń 29 qarasha 2021 01:13

NUR-SULTAN. QazAqparat – 2021 jyldyń 10 aıynda elimizde 49,9 myńǵa jýyq adamǵa kompıýterlik jáne magnıttik-rezonanstyq tomografııa qyzmetteri tegin kórsetildi. Bul jaıynda «Áleýmettik medıtsınalyq saqtandyrý qory» KEAQ Nur-Sultan qalalyq fılıalynan málim etti, dep habarlaıdy QazAqparat tilshisi.

«Bıylǵy jyly KT jáne MRT qyzmetterin kórsetý boıynsha jasalǵan sharttardyń somasy 2 esege jýyq ósti. Eger 2020 jyly búkil el boıynsha sharttardyń somasy shamamen 706 mln teńgeni qurasa, 2021 jylǵy 1 qarashadaǵy jaǵdaı boıynsha 1,4 mlrd teńgege derlik sharttar jasaldy. Osy jyldyń 10 aıynyń qorytyndysyna súıensek, KT jáne MRT-ǵa tıesili, ıaǵnı emdeýshi dárigerdiń joldamasy boıynsha josparly túrde, medıtsınalyq saqtandyrý boıynsha 46,9 myńǵa jýyq qyzmet kórsetildi», - dep atap ótedi qor fılıalynan.

Jalpy, el boıynsha kórsetilgen qyzmetter somasy 2021 jyldyń qańtar-qazan aılary aralyǵynda shamamen 907 mln teńgeni qurady. Salystyrmaly túrde, ótken jyldyń osy kezeńinde KT/MRT boıynsha jalpy quny 207,5 mln teńge bolatyn barlyǵy 11,4 myń qyzmet kórsetildi. Osylaısha, kórsetilgen qyzmetter kólemi 4 eseden astam ósti.

«Naýqasqa kez-kelgen dıagnostıkalyq protsedýrany emdeýshi dáriger taǵaıyndaıdy. Ol naýqastyń jaǵdaıyn, shaǵymdaryn, aýrýdyń belgilerin zerdeleıdi. Tıisti kórsetkishter bolǵan jaǵdaıda dáriger KT nemese MRT túsýge joldama beredi. Bul qyzmetti josparly túrde alý úshin MÁMS júıesinde patsıenttiń «saqtandyrylǵan» mártebesi bolýy tıis. Eger KT/MRT qyzmetterin alýǵa qatysty suraqtaryńyz bolsa nemese siz osy qyzmetterge qol jetkize almasańyz, onda óz emhanańyzdaǵy Patsıentti qoldaý qyzmetine habarlasýyńyzǵa bolady. Sondaı-aq, óz aımaǵyńyzda tomografııadan ótý múmkindigi bolmaı, uzaq kútken jaǵdaıda, siz óz aımaǵyńyzdyń Densaýlyq saqtaý basqarmasynan jaǵdaıdy naqtylaı alasyz. Eger máseleni sol jerde sheshý múmkin bolmasa, onda Áleýmettik medıtsınalyq saqtandyrý qoryna ózińizge yńǵaıly tásilmen: fms.kz resmı saıty, 1406 baılanys ortalyǵy, Telegram-daǵy 24/7 Qoldau jáne SaqtandyryBot mobıldi qosymshasy arqyly ótinish-shaǵym qaldyra alasyz», - dep keńes beredi qor fılıaly.


Joǵary qaraı