Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mektep dırektorlaryn aýystyrý qashan bastalady

2021 jyldyń 3 jeltoqsan 2021 13:34

NUR-SULTAN. QazAqparat – 2022 jyldan bastap mektep dırektorlarynyń ornyn aýystyrý bastalady. Bul týraly QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

«Muǵalimderdi beıindi emes jumystardan, tekserýlerden bosatý is-sharalary qabyldanyp, materıaldyq yntalandyrý eskerilgen. Ádep jónindegi keńester ótkiziledi. Jalpy, bul jumys jalǵasyp jatyr. Pedagogtardyń jumysqa qabyldaý júıesin de ózgerttik. Eger osy ýaqytqa deıin pedagogty dırektordyń ózi qabyldaı alatyn jáne belgili bir táýekelderdiń bolǵany da túsinikti. endi ózgertýler engizdik. Qazirgi ýaqytta pedagogtardy qabyldaý naqty ólshemderi bar biliktilik talaptar kózdelgen baıqaý arqyly júrgiziledi», - dedi mınıstr QR Prezıdenti janyndaǵy Adam quqyqtary jónindegi komıssııa otyrysynda.

Sonymen qatar ol bıyl bilim berý uıymdary dırektorlaryn taǵaıyndaýdyń jańa júıesi bekitilgendigin aıtty.

«Osy jyldan bastap jańa ınstıtýt – dırektorlardy aýystyrý ınstıtýty jumys isteı bastaıdy. Bizde bir mektepte 10 jyldan astam uzaq ýaqyt boıy jumys iseıtin dırektolar óte kóp. Búginde olardy yntalandyrý, aýystyrý qajettigi týyndap otyr. Sondyqtan tıisti zańnamaǵa ózgertýler engizilip, buıryq bekitildi. Kelesi jyldan bastap mektep dırektorlaryn rotatsııalaý bastalady», - dedi Ashat Aımaǵambetov.


Joǵary qaraı