Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mektepte evakýatsııa jolyn jabýǵa qatań tyıym salyndy – TJM

2021 jyldyń 16 qyrkúıek 2021 14:24

NUR-SULTAN. QazAqparat – Elimizdiń orta bilim berý oryndarynda evakýatsııa jolyn (syrtqa shyǵý esigi) jabýǵa qatań tyıym salyndy. Bul týraly QR TJM órtke qarsy qyzmet komıteti basqarmasynyń basshysy Erlan Tóregeldıev málim etti, dep habarlaıdy QazAqparat tilshisi.

«Órt qaýipsizdigi talaptaryna sáıkes barlyq evakýatsııalaý joldary erkin jáne ǵımarattan shyǵý baǵyty boıynsha ashyq turýy tıis. Ásirese bilim berý mekemesi kólemine qaramastan qaýiptiń joǵary dárejeli túrine jatady, sondyqtan da olarǵa jyl saıyn birneshe ret tekserý ótkizemiz. Bıyl da oqý jyly bastalǵanǵa deıin elimizdegi barlyq bilim berý nysandary tekserildi. Qaýipsizdik erejesi saqtalmaǵan bilim mekemelerine eskertý jasalyp, nusqama berildi», - dedi E. Tóregeldıev OKQ-de ótken baspasóz máslıhatynda.

Sondaı-aq, TJM ókili ǵımarattaǵy qaýipsizdik erejesi saqtalmaǵan jaǵdaıda jaýapkershiliktiń baryn eske saldy.

«Taǵy qaıtalaımyz eshqandaı jaǵdaıda evakýatsııalaýǵa arnalǵan esikterdi jabýǵa bolmaıdy. Óıtkeni mektepte bala kóp, sondyqtan evakýatsııa joly tolyqtaı jumys istep turýy tıis. Esikti jabýǵa nemese ýaqytsha buǵattaýǵa qatań tyıym salynady», - deıdi ol.


Joǵary qaraı