Mekteptegi «bomba»: Aqtóbe polıtsııasy 600-den astam adamdy evakýatsııalady

AQTÓBE. QazAqparat - Aqtóbe qalasyndaǵy â„–51 mektep-gımnazııasynyń elektrondy poshtasyna bilim ordasynda jarylǵysh zat bar ekeni týraly habarlama tústi. Polıtsııa 600-den astam adamdy evakýatsııalady, dep habarlaıdy QazAqparat tilshisi.

«Barlyq shuǵyl qyzmet dereý oqıǵa ornyna shyqty. Oqýshylardy, oqytýshylar quramy men ózge de qyzmetkerler evakýatsııalandy. Barlyǵy 600-den astam adam qaýipsiz jerge kóshirildi. Arnaıy bólimshe saperleri ǵımarattaǵy jarylǵysh qurylǵylardy anyqtaý úshin tekserý júrgizdi», - dep habarlady oblystyq PD baspasóz qyzmetiniń jetekshisi Erbolat Sarqulov.

Jarylǵysh qurylǵy tabylǵan joq.

Atalǵan fakti boıynsha sotqa deıingi tergeý bastaldy.

Polıtsııa departamenti kúdiktini anyqtaý jáne ustaýǵa baǵyttalǵan jedel is-sharany jalǵastyryp jatyr.