Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mektepten keıin oralmaǵan: Atyraýda joǵalǵan 9 jasar qyz tabyldy

2021 jyldyń 8 jeltoqsan 2021 20:41

ATYRAÝ. QazAqparat – Atyraýda joǵalyp ketken 9 jasar qyz tabyldy, dep habarlaıdy QazAqparat.

Oblystyq Polıtsııa departamenti baspasóz qyzmetiniń aqparatyna qaraǵanda, 9 jasar qyz keshe, 7 jeltoqsanda joǵalyp ketken.

«Atyraý qalasynyń turǵyny Abzal Bókenovten 7 jeltoqsanda saǵat 19:31 shamasynda Jedel basqarý ortalyǵyna 2012 jyly týǵan jasóspirim qyzdyń joǵalyp ketkeni týraly habar tústi. Bala «Nursaıa» shaǵynaýdanyndaǵy orta mektepte ekinshi aýysymda oqyǵan. Biraq, sabaqtan keıin úıine oralmaǵan. Osy derekke baılanysty polıtseıler jedel izdestirýge kiristi. Patrýldik polıtsııa qyzmetiniń «Batys-29» ekıpajy joǵalǵan jasóspirimdi «Tulpar» shaǵynaýdanyndaǵy S.Beıbarys kóshesiniń boıynan sol kúni taýyp, ata-anasyna jetkizdi», - deıdi Atyraý qalalyq polıtsııa basqarmasy bastyǵynyń mindetin atqarýshy Erlan Bıǵambaev.

Jasóspirimniń aıtýyna qaraǵanda, mektepten shyqqan soń dostarymen oınap júrip, ózi turatyn shaǵynaýdannan alystap ketken.

«Joǵalǵan jasóspirimdi izdeýge ýchaskelik polıtsııa ınspektorlary men patrýldik polıtsııa qyzmetkerleri jumyldyryldy. Jasóspirimniń fotosýreti men baǵyttama sol shaǵynaýdandaǵy páter ıeleriniń kooperatıvteri ashqan WhatsApp chattaryna jedel taratyldy. Sondaı-aq, shaǵynaýdandaǵy beınekameralar arqyly kóshedegi qozǵalysqa baqylý júrgizildi. Jedel izdestirýdiń nátıjesinde jasóspirim aman-esen tabyldy», -deıdi Erlan Bıǵambaev.

Eske sala ketelik, buǵan deıin Atyraý oblysynda mal izdeýge shyqqan er adam joǵalyp ketkenin jazǵan edik.


Joǵary qaraı