Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Memqyzmetshiler qashyqtan jumys isteýge qalaı qaraıdy

2021 jyldyń 14 qyrkúıek 2021 17:24

NUR-SULTAN. QazAqparat - Memlekettik qyzmet isteri agenttiginiń tóraǵasy Anar Jaılǵanova Dúnıejúzilik banktiń Qazaqstandaǵy Turaqty ókili Jan-Fransýa Marto myrzamen kezdesti. Bul týraly QazAqparat Agenttiktiń baspasóz qyzmetine silteme jasap habarlaıdy.

Kezdesý barysynda Agenttik tóraǵasy Dúnıejúzilik bankke memlekettik qyzmetti jetildirý salasyndaǵy Agenttikpen uzaq merzimdi yntymaqtastyǵy jáne tájirıbesin bólisýge daıyndyǵy úshin alǵys bildirdi.

Anar Jaılǵanova Dúnıejúzilik bank ókilderine Agenttikke qashyqtyqtan jumys isteý boıynsha halyqaralyq tájirıbesimen bóliskeni úshin rızashylyǵyn bildirip, atalǵan praktıka Qazaqstannyń memlekettik qyzmetshileri úshin qashyqtyqtan jumys isteýdi engizý kezinde negiz bolǵanyn atap ótti.

«Ótken jyly Dúnıejúzilik banktiń qoldaýymen Agenttik Qazaqstannyń memlekettik qyzmetine Covid-19 áseri týraly saýalnama júrgizdi, oǵan Qazaqstannyń memlekettik qyzmetshileriniń 55% qatysty. Saýalnama nátıjeleri memlekettik qyzmetshilerdiń ıkemdi keste jáne qashyqtyqtan jumys isteý, sondaı-aq jumys protsesterin tsıfrlandyrý sııaqty balama jumys jaǵdaılaryn engizýge oń kózqaraspen qaraıtyndyǵyn kórsetti»- dedi Agenttik tóraǵasy.

Sondaı-aq, agenttik basshysy aǵymdaǵy jyldyń shilde aıynda Dúnıejúzilik bank uıymdastyrǵan onlaın semınarǵa toqtalyp ótti. Semınar barysynda adamı resýrstardy basqarýdyń tsıfrlandyrý men aqparattyq júıelerine basa nazar aýdara otyryp, memlekettik qyzmetti jańǵyrtýdyń halyqaralyq tájirıbesimen tanysýǵa, sondaı-aq memlekettik basqarýdy reformalaýdyń basqa da máselelerin talqylaýǵa múmkindik boldy.

Agenttik Tóraǵasy memlekettik qyzmetkerler úshin tsıfrlyq jumys ornyn qurýǵa, onyń ishinde iQyzmet platformasynyń kómegimen strategııalyq kadrlyq josparlaýdy engizýge jáne ishki bıznes-protsesterdi barynsha tıimdilik pen ıkemdilik jaǵyna qaıta qaraýǵa baǵyttalǵan agenttiktiń aldaǵy josparlary týraly aıtty.

Kezdesý barysynda sondaı-aq dúnıejúzilik bank qoldaý kórsete alatyn Agenttiktiń memlekettik qyzmetti damytý jónindegi perspektıvalyq josparlary talqylandy.

Óz kezeginde, Dúnıejúzilik Banktiń Turaqty ókili Qazaqstannyń Dúnıejúzilik bankpen yntymaqtastyǵy aıasynda Memlekettik qyzmet isteri agenttigimen jeke kelisim jasasý máselesin qaraýǵa daıyn ekenin bildirdi.








Joǵary qaraı