Aýa raıy
Astana -8 °S
Almaty -11 °S
valıýta baǵamy
USD 421.58
EUR 496.83
RUB 5.53
CNY 62.20

Memleket azamattyq qoǵamnyń turaqtylyǵyn arttyrýǵa járdemdese beredi - Qyrymbek Kósherbaev

2020 jyldyń 27 qarasha 2020 12:44

NUR-SULTAN. QazAqparat - Memleket azamattyq qoǵamnyń turaqtylyǵyn arttyrýǵa járdemdese beredi. Bul týraly «Qoǵam jáne memleket: «Birgemiz» - 30 jyldyq seriktestik pen damý» atty IX Azamattyq forýmnyń jalpy otyrysynda QR Memlekettik hatshysy Qyrymbek Kósherbaev aıtty, dep habarlaıdy QazAqparat tilshisi.

«Biz Qazaqstan azamattary emin-erkin qaýymdastyqtarǵa birige alýyna jan-jaqty qoldaý kórsete beretin bolamyz jáne muny negiz qalaýshy konstıtýtsııalyq quqyǵy retinde qarastyramyz. Ol Qazaqstannyń saıası jańǵyrýynyń jáne ilgeri qaryshtaıtyn qoǵamdyq progresiniń mańyzdy sharty sanalady. Sondyqtan biz búginnen-aq zańnamamyzdy ózgertip, qoǵamdyq keńesterdiń, azamattyq qoǵamdyq baqylaýdyń, eriktilerdiń qyzmetin kúsheıtýge baǵyttalǵan jańa zań jobalaryn ázirleımiz. Memlekettik organdardyń eseptiligi, baqylanylatyndyǵy jáne ashyqtyǵy tetikterin jetildiretin bolamyz. Bul memlekettik saıasattyń vektory, Qazaqstannyń jańǵyrýynyń irgetasy sanalady», - dedi Memlekettik hatshy.

Qyrymbek Kósherbaevtyń atap ótýinshe, memleket azamattyq qoǵamnyń turaqtylyǵyn arttyrýǵa, sonymen qatar partııalardyń, kásipodaqtardyńjáne buqaralyq aqparat quraldarynyń qyzmetine, ergilikti ózin ózi basqarýǵa, erkin jáne ádil saılaý ótkizýge, azamattardyń beıbit jınalystar uıymdastyrý quqyǵyn júzege asyrýǵa qatysty zańnamany jetildirý arqyly saıası transformatsııa men jańǵyrýǵa járdem beretin bolady.


Joǵary qaraı