Aýa raıy
Astana 10 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Memleket basshysy Almatynyń «Almaly» demalys aýmaǵyn aralap kórdi

2020 jyldyń 25 qyrkúıek 2020 19:09

ALMATY. QazAqparat – QR Prezıdenti Qasym-Jomart Toqaev Almatyǵa jasaǵan jumys sapary barysynda Respýblıka alańyndaǵy qaıta jóndeýden ótken «Almaly» demalys aýmaǵyn aralap kórdi, dep habarlaıdy QazAqparat Aqordaǵa silteme jasap.

Jańartylǵan aýmaq birneshe bólikke, atap aıtqanda, balalarǵa jáne mádenı oıyn-saýyqqa arnalǵan aımaqtarǵa bólingen.

Alańǵa qazaq sýretshileri salǵan músinder qoıylyp, aýqymdy kógaldandyrý jumysy júrgizilgen. Aǵashtar, butalar men gúlder otyrǵyzylǵan. Qalanyń tarıhy men mádenıetin eskere otyryp, qonaqtar men qala turǵyndary úshin demalatyn oryndar uıymdastyrylǵan. Sondaı-aq, ártúrli mádenı-aǵartý sharalaryn ótkizý qarastyrylady.








Jer astyndaǵy «Almaly» saýda jáne oıyn-saýyq ortalyǵyn qaıta jóndeý jumystary 2021 jyly aıaqtalady dep josparlanýda.

Eske salaıyq, búgin Memleket basshysy jumys saparymen Almaty qalasyna keldi.

Q.Toqaev shaharǵa saparyn I.Jekenova atyndaǵy qalalyq klınıkalyq juqpaly aýrýlar aýrýhanasynyń jańa fılıalynan bastady.

Sondaı-aq Almatynyń Indýstrııalyq aımaǵynda bolyp, qazaqstandyq «Hyundai Trans Kazakhstan» zaýytynyń iske qosylýǵa daıyndyǵyn tekserdi.




















Basty sózder: Aımaq, Almaty, Qazaqstan Prezıdenti, Aqorda,
Joǵary qaraı