Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Memleket basshysy: Azamattyq qoǵam qurý – negizgi basymdyqtyń biri

2021 jyldyń 26 qarasha 2021 16:22

ALMATY. QazAqparat - Búgin Almatyda jumysyn bastaǵan H Azamattyq forýmynyń qatysýshylaryna QR Prezıdenti Qasym-Jomart Kemeluly Toqaevtyń quttyqtaýy joldandy. Memleket basshysynyń quttyqtaýyn QR Prezıdenti Ákimshiligi Basshysynyń birinshi orynbasary Dáýren Abaev oqyp berdi, dep habarlaıdy QazAqparat.

«Barshańyzdy H Azamattyq forýmnyń ashylýymen quttyqtaımyn! Bul – memleket pen úkimettik emes uıymdardyń úılesimdi damýyna zor úles qosatyn mańyzdy basqosý. Azamattyq qoǵam qurý – biz úshin negizgi basymdyqtyń biri. Elbasynyń bastamasymen 2003 jyldan beri turaqty ótkizilip kele jatqan forým – osynyń aıqyn dáleli. Dıalogtyń osy úlgisi kóptegen máseleni talqylap, usynys ázirleıtin tıimdi pikirtalas alańyna aınaldy. Forým azamattyq bastamalardy qoldaý úshin júıeli sharalar qabyldaýǵa septigin tıgizýde. Sondaı-aq, strategııalyq jáne zańnamalyq qujattar daıyndaýǵa yqpal etýde», - delingen Memleket basshysynyń quttyqtaýynda.

Sonymen qatar, Qasym-Jomart Toqaev byltyr Azamattyq qoǵamdy damytý tujyrymdamasy bekitilgenin, bul qujat bılik organdary men qoǵamdyq uıymdardyń seriktestigin kúsheıtýdi kózdeıtinin atap ótedi. Oǵan qosa atalǵan qujat turǵyndardyń eldik isterge erkin aralasýyna múmkindik beredi.

«Shyn máninde, «Halyq únine qulaq asatyn memleket» pen ádiletti qoǵam qurý jolynda ózara yntymaqtastyq mańyzdy ról atqarady. Egemendik jyldary Qazaqstanda úkimettik emes sektordyń qyzmeti aıtarlyqtaı jandandy. Qazir 2500 uıym memlekettik áleýmettik tapsyrys pen granttyq qoldaýǵa ıe bolyp otyr. Olar jyl saıyn eki myńnan astam áleýmettik jobany júzege asyrady. Úkimettik emes uıymdar san túrli salany órkendetýge atsalysyp keledi. Іndet kezinde qoǵam ókilderi, volonterler men metsenattar otanshyldyq pen elge qamqorlyqtyń naǵyz úlgisin kórsetti. Biz osyndaı ıgilikti isterdi jalǵastyra berýimiz kerek. Búgingi basqosý azamattyq belsendilikti odan ári arttyryp, syndarly qoǵamdyq dıalogty nyǵaıta túsedi dep senemin. Forýmnyń jumysy tabysty bolsyn!», - delingen quttyqtaýda.


Joǵary qaraı