Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Memleket basshysy Bas prokýror Ǵızat Nurdáýletovti qabyldady

2021 jyldyń 9 tamyz 2021 18:20

NUR-SULTAN. QazAqparat - Qasym-Jomart Toqaev Bas prokýrordyń elimizdegi zań normalarynyń saqtalýy jóninde esebin tyńdady, dep habarlaıdy QazAqparat Aqordanyń resmı saıtyna silteme jasap.

Prezıdentke eldegi qylmystyq ahýal, sonyń ishinde, alaıaqtyq, balalarǵa qatysty zorlyq-zombylyq, zańsyz esirtki aınalymy jáne basqa da qaýipti quqyq buzýshylyqtarǵa qarsy kúresti úılestirý sharalary týraly aqparat berildi.

Ǵızat Nurdáýletov qylmystyq is júrgizýdiń úsh býyndy modeline ótýdiń alǵashqy kezeńniń iske asyrylý barysy jáne 2022 jyldan bastap engizile bastaıtyn ekinshi kezeńge daıyndyq jóninde esep berdi.

Memleket basshysyna el ishinde rezonans týdyrǵan qylmystyq isterdi tergeý nátıjeleri jáne qoǵamdyq múddelerdi qorǵaý jónindegi jumystardyń qorytyndysy týraly baıandaldy. Bas prokýrordyń málimetine sáıkes, prokýratýra organdarynyń qabyldaǵan sharalarynyń nátıjesinde jyl basynan beri 5 myńǵa jýyq azamattyń, 92 myń kásipkerdiń quqyqtary qorǵalyp, bıýdjetke 17 mıllıard teńge qaıtarylǵan. 11 myńnan astam tulǵa túrli jaýapkershilikke tartylǵan.

Sondaı-aq qylmystyq-quqyq salasyndaǵy halyqaralyq yntymaqtastyq máseleleri talqylandy. Atap aıtqanda, Bas prokýror ózge eldermen jasalatyn kelisimder men alda bolatyn kópjaqty is-sharalarǵa qatysý josparlarymen bólisti.

Qasym-Jomart Toqaev qoǵamdyq ómirdiń barlyq salasynda zań ústemdigin qamtamasyz etýdiń mańyzdylyǵyn atap ótip, Ǵızat Nurdáýletovke birqatar tapsyrma ber


Joǵary qaraı