Aýa raıy
Astana -14 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Memleket basshysy Tsıfrlyq damý mınıstri Baǵdat Mýsındi qabyldady

2020 jyldyń 5 qazan 2020 19:48

NUR-SULTAN. QazAqparat - Memleket basshysy Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsındi qabyldady, dep habarlaıdy Aqorda.

Prezıdentke ınternet baılanysynyń, ásirese, aýyldyq jerlerdegi sapasy men qoljetimdiligin arttyrý, «Tsıfrlyq Qazaqstan» memlekettik baǵdarlamasyn transformatsııalaý, sondaı-aq, memlekettik qyzmetti onlaın formatqa kóshirý jumystary týraly mınıstrliktiń esebi berildi.

Qasym-Jomart Toqaevqa ınnovatsııalyq ekojúıeni qalyptastyrý joldary, aeroǵarysh salasyn damytý, sonymen qatar, eksportqa shyǵarylatyn básekege qabiletti ónim ázirleý úshin IT salasy boıynsha kásibı mamandar daıarlaý jospary jóninde baıandaldy.

Memleket basshysy bilim platformasyn damytýdyń, qashyqtan bilim berý úderisine tehnıkalyq turǵydan kómek kórsetýdiń, memlekettik qarjylaı qoldaý sharalaryn elektrondy oqýlyqtar men tsıfrlyq bilim berý resýrstaryn damytýǵa baǵyttaýdyń mańyzyn atap ótti.

Sonymen qatar Qasym-Jomart Toqaev Baǵdat Mýsınge memlekettik qyzmetti paıdalaný kezinde bıometrııa tetikterin engizý, tsıfrlandyrýdy basqarý júıesine reforma júrgizý, «Zerde» holdınginiń róli men jaýapkershiligin arttyrý jóninde birqatar mindet júktedi.

Memleket basshysy radıotolqyndardy bólýdiń ashyq tetikterin engizýdi tapsyrdy.


Joǵary qaraı