Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Memleket basshysy «Digital Bridge» halyqaralyq tehnologııalyq forýmyna qatysty

2021 jyldyń 27 qazan 2021 20:22

NUR-SULTAN. QazAqparat - Memleket basshysy Qasym-Jomart Toqaev «Digital Era Lifestyle» taqyrybynda ótken dástúrli «Digital Bridge» halyqaralyq tehnologııalyq forýmyna qatysty, dep habarlaıdy Aqorda.

Úshinshi ret ótkizilip otyrǵan jıynǵa Prezıdent Ákimshiliginiń basqarýshy quramy, Premer-Mınıstr men Úkimet músheleri, memlekettik organdardyń basshylary, otandyq jáne halyqaralyq sarapshylar qatysty.

Memleket basshysyna startaptar alleıasy tanystyrylyp, Astana Hub IT ekojúıesiniń qazirgi jumysy týraly baıandaldy. Sodan keıin Qasym-Jomart Toqaevtyń tóraǵalyǵymen Tsıfrlandyrý júıesin engizý máseleleri jónindegi komıssııanyń otyrysy ótti.


Jıynǵa qatysýshylardyń sózin tyńdaǵan Memleket basshysy praktıkalyq, qoldanbaly tsıfrlandyrý máselesi bizdiń strategııalyq mindetimiz jáne memleketimizdiń basymdyǵy ekenin aıtty.

Osy rette, Qasym-Jomart Toqaev birqatar basym mindetke nazar aýdarý qajet ekenin atap ótti.

Atap aıtqanda, Prezıdent kórsetiletin memlekettik qyzmettiń barlyq túrin únemi jańǵyrtyp otyrýdyń mańyzdylyǵyna nazar aýdardy.

«Mindet – qyzmetterdi oflaın rejımnen onlaın rejımge aýystyrý ǵana bolmaýy kerek. «Tsıfr» kórsetiletin memlekettik qyzmettiń jáne oǵan qatysty suranymdardyń, jaýaptardyń, kelisimderdiń sanyn qysqartýǵa tıis. Kórsetiletin memlekettik qyzmetter keshendi jáne sapaly bolýǵa tıis. Memlekettik organdardyń tsıfrlyq transformatsııasyn bıýrokratııamen, sybaılas jemqorlyqpen jáne tıimsizdikpen kúres quraly retinde qarastyrǵan jón», – dedi Prezıdent.




Qasym-Jomart Toqaev Úkimetke «Atameken» UKP-men birlesip, kórsetiletin barlyq memlekettik qyzmetke tekseris júrgizip, olardyń tsıfrlyq turǵydan ońtaılandyrylýyn qamtamasyz etýdi tapsyrdy. Memleket basshysy is júzinde eń túıtkildi degen eki salany – qurylys pen jer qatynastaryn erekshe atap ótti.

Memleket basshysy qurylys salasyndaǵy jaǵdaı týraly aıta kele, tehnıkalyq-ekonomıkalyq negizdemelerdi, jobalyq-smetalyq qujattardy jáne memlekettik saraptamany ázirleý kezinde qaǵaz qujattardan tsıfrlyq formatqa kezeń-kezeńmen kóshý qajettigi týraly málimdedi.

«BIM tehnologııalaryn qoldaný máselesin qazirgi normatıvtik-quqyqtyq turǵydan retteýdi qamtamasyz etý kerek. Bul jumystyń oryndalý merzimin aıtarlyqtaı qysqartady, osy saladaǵy sybaılas jemqorlyqty azaıtady, sondaı-aq qurylys qunyn tómendetedi. Úkimetke atalǵan salany Tsıfrlyq keńse jumysyndaǵy basymdyqtardyń biri retinde aıqyndaýdy tapsyramyn», – dedi Memleket basshysy.

Prezıdenttiń pikirinshe, jer salasyn tsıfrlandyrý isi jer bólý jáne jer alý kezeginiń ashyqtyǵyn sheshýge septigin tıgizedi.




Qasym-Jomart Toqaev bıznes úshin jer ýchaskelerin tańdaý jáne bólý máselesin tolyq tsıfrlandyrýdy, jyljymaıtyn múliktiń Biryńǵaı memlekettik kadastryn qurý jumystaryn jedeldetýdi jáne osy aqparattyq júıeni 2022 jyldyń birinshi jartyjyldyǵynan keshiktirmeı iske qosýdy tapsyrdy.





«Qurylys jumystarynyń sapasyn anyqtaý úshin tsıfrlyq quraldardy belsendi ári keń kólemde engizý qajet. Negizgi qurylys kompanııalary turǵyn úı, mektep, aýrýhana, jol jáne basqa da áleýmettik máni bar mańyzdy nysandar salý úshin memleket qarjysyn molynan ıgerýde. Biraq, ashyǵyn aıtaıyq, olardyń sapasy kóbinese kóńilge qonbaıdy. Kúmán týǵyzady. Bul jaǵdaı azamattardyń narazylyq jasaýyna alyp keledi. Sondyqtan Úkimet osy máselege basa mán berip, tsıfrlyq quraldardy qoldanýǵa tıis», – dedi Memleket basshysy.

Prezıdent tsıfrlandyrý isine jaýapty vıtse-mınıstrler jumysynyń nátıjeliligin synǵa aldy. Onyń aıtýynsha, olardyń basty mindeti –kúndelikti bıýrokratııalyq jumys emes, tsıfrlyq reformalar men ózgeristerdi júzege asyrý. Osyǵan baılanysty Prezıdent jyl sońyna deıin tsıfrlandyrýǵa jaýapty árbir vıtse-mınıstr úshin naqty KPI ázirleýdi talap etti jáne Premer-Mınıstrge olardyń qyzmetine qatysty ustanymdy qaıta qaraýdy, kadrlyq quramyna baǵa berýdi tapsyrdy.




Qasym-Jomart Toqaevtyń pikirinshe, bıznes-qoǵamdastyq atsalyspaı, jalpymemlekettik «tsıfrlyq sekiris» jasaý múmkin emes, al kompanııalardyń básekege qabilettiligi olardyń tsıfrlandyrylý deńgeıimen anyqtalady.

«Siemens» kompanııasynyń baǵalaýy boıynsha, otandyq ónerkásiptik kásiporyndardyń 80 paıyzynda avtomattandyrý deńgeıi óte tómen, ıaǵnı Indýstrııa 2.0 deńgeıinde. Esterińizge sala keteıin, biz Indýstrııa 4.0 dáýirinde ómir súrip jatyrmyz. Bul – asa aýqymdy másele. Onyń talaptaryna tujyrymdamalyq jaǵynan da, praktıkalyq turǵydan da naqty ári laıyqty jaýap berý kerek. Tsıfrlyq sheshimderdi qoldaýdyń tıimdi quraldaryn, eń aldymen, óńdeý sektorynda keńeıtý kerek», – dedi Memleket basshysy.




Prezıdent otandyq IT ındýstrııasynyń básekege qabilettiligine arnaıy toqtaldy. Qasym-Jomart Toqaevtyń pikirinshe, bul saladaǵy barlyq otandyq bıznes ishki naryqqa, kóp jaǵdaıda, memlekettik jáne kvazımemlekettik sektorlardyń suranymdaryna jaýap berýge baǵyttalǵan.

«IT sheshimderdiń eksporty otandyq ekonomıkany ártaraptandyrýdyń mańyzdy baǵyttarynyń biri bola alady jáne bolýǵa tıis. Biz alǵashqy qadamdardy jasadyq. Búgin kórmede básekege qabiletti IT ónimderdi, sondaı-aq bilikti ári jas IT komandalardy kórdik. Olarǵa jan-jaqty kómek kórsetý kerek», – dedi Memleket basshysy.

Sonymen qatar Prezıdent IT bilim berý sapasyna nazar aýdaryp, bul máseleni ulttyq deńgeıdegi mindet retinde atady.

«Úkimetke IT kadrlardy jappaı daıarlaýǵa jekemenshik IT mektepterdi tartý máselesin qarastyrýdy tapsyramyn. Memlekettik basqarýdaǵy IT biliktilikti arttyrý júıesine erekshe nazar aýdarý qajet. Memlekettik qyzmetshiler tehnologııalyq trendterdi túsinýge, oqıǵalar men derekterdi júıeli túrde taldaı bilýge tıis. Olar IT bıznespen bir tilde sóıleýi kerek», – dedi Qasym-Jomart Toqaev.




Memleket basshysy elimizdegi ınternet pen baılanys sapasyna kóńili tolmaıtynyn aıtty.

«Qazirgi kezde naqty emes nárseni satý qalypty jaǵdaıǵa aınaldy. Olar ınternet parametrleriniń birin jarnamalaıdy da, shyn máninde múlde basqasyn usynady. Jaqsaryp jatqan eshteńe joq. Maǵan berilgen málimet boıynsha, tipti elordanyń ózinde, sóz ben istiń alshaqtyǵy 40-50 paıyzǵa deıin jetedi. Bul, shyn máninde, tutynýshylardy aldaý degen sóz. Mundaı óreskeldikti doǵarý kerek. Úkimetke ákimshilik quramdy zańdyq negizde bekitýdi jáne bundaı zań buzýshylyqtar úshin sanktsııalar belgileýdi tapsyramyn. Biz únemi Qazaqstannyń aýmaǵy júz paıyzǵa jýyq ınternetpen qamtyldy dep aıtyp júrmiz. Kánekı máseleniń basyn ashyp alaıyq, osy is júzinde rastalǵan aqparat pa álde joq pa? Nemese oıymyzdaǵyny shyndyq dep sanaımyz ba?» – dedi Prezıdent.





Qasym-Jomart Toqaev jeke málimetterdiń qaýipsizdigine de erekshe toqtaldy.

«Tsıfrlyq ınfraqurylym qalyptastyrý máselesi, onyń qaýipsizdigine degen jaýapkershilikti qosa júkteıtinin túsiný kerek. ıAǵnı, jeke málimetter quqyqtyq turǵydan da, fızıkalyq jaǵynan da sapaly qorǵalýǵa tıis. Bul memlekettik júıelerge ǵana emes, memleketpen tyǵyz ıntegratsııalanǵan jalpy tsıfrlyq ekojúıege de qatysty. Úkimet azamattardyń jeke derekteriniń joǵalýyna jáne urlanýyna qatysty jaýapkershilikti qatańdatý jóninde zańnamalyq ózgerister toptamasyn ázirleýi kerek, – dedi Memleket basshysy.

Prezıdent jıyndy sońynda Komıssııa músheleri men shaqyrylǵan sarapshylarǵa mazmundy pikirtalas jasaǵandary úshin alǵys aıtty. S ondaı-aq barlyq steıkholderdiń atsalysýy Komıssııanyń jumysyn jańa deńgeıge kóterip, Qazaqstannyń tsıfrlyq transformatsııasyn qamtamasyz etýge múmkindik beretinine senim bildirdi.

Sonymen qatar jıyn barysynda Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın, McKinsey & Company kompanııasynyń aǵa seriktesi Tomas Ýolter Ishervýd, Huawei kompanııasynyń Eýrazııalyq óńirlik ókildiginiń prezıdenti Denıel Chjoý, «Qazaqtelekom» AQ basqarma tóraǵasy Qýanyshbek Esekeev jáne StrategEast jańa ekonomıka ortalyǵynyń prezıdenti Anatolıı Motkın sóz sóıledi.



Joǵary qaraı