Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Memleket basshysy el baılyǵynyń jartysyn ýysynda ustap otyrǵan 162 adam týraly: Bulaı kete berýge bolmaıdy

2022 jyldyń 21 qańtar 2022 15:13

NUR-SULTAN. QazAqparat – Memleket basshysy Qasym-Jomart Toqaev halyqtyń tabysyndaǵy teńsizdik týraly aıtty, dep habarlaıdy QazAqparat tilshisi.

«2020 jylǵy ulttyq tabys qurylymynda bıznestiń tabysy eń joǵary úlesti alǵan – 61,5%. Salyqtardyń úlesi nebári 7,3%, al qazaqstandyqtardyń jalaqysynyń úlesi úshten birge de jetpeıdi – 31 paıyzdan az. Bul óte az. Mysaly, Reseıdiń ekonomıkalyq qurylymy bizge uqsas bolǵanymen, eńbekke aqy nyń ulttyq tabystaǵy úlesi 46,7% bolyp otyr. ıAǵnı bizdikinen 1,5 ese kóp. Ulttyq tabysty ádil bólýdiń aıqyn teńgerimsizdigi men kórineý problemasy bar. Halyqaralyq sarapshylar, atap aıtqanda KPMG, Qazaqstan ál-aýqatynyń jartysyna bar-joǵy 162 adam ıelik etip otyrǵanyn málimdedi. Al halyqtyń jartysynyń aı saıynǵy tabysy 50 myń teńgeden aspaıdy. Bul jyldyq tabysy 1300 dollardan áreń asady degen sóz. Mundaı aqshaǵa, árıne, ómir súrý múmkin emes», - dedi Prezıdent Qazaqstannyń iri bıznes ókilderimen kezdesýde.

Sondaı-aq elde ekonomıkalyq ósim bar bolǵanymen onyń ıgiligin shekteýli elıtalyq toptar kórip otyrǵanyn, halyqtyń basym bóligniń tabysy azaıýy memleket qaýipsizdigine eleýli qaýip tóndiredtinin eskertti.

«Bul qoǵamnyń ekonomıkalyq, áleýmettik turǵyda, odan keıin saıası bólinýine ákelýi múmkin. Ondaı jikshildiktiń alǵashqy belgileri sý betine shyǵyp ta úlgerdi. Árıne, bulaı kete berýge bolmaıdy. Táýelsizdik alyp, bıznestiń damýyna qolaıly jaǵdaılar jasalǵannan keıin kásipkerler tabyn qalyptastyrý memlekettik saıasattyń basty baǵyty boldy. Salyqtyq jeńildikter, preferentsııalar, qarjylyq jáne qarjylyq emes qoldaý sharalary usynyldy. Ekonomıkalyq model bızneske damýǵa múmkindik berse, jumys oryndary men halyqtyń tabysy sonyń esebinen artady degen senim boldy. Bul kóp jaǵdaıda jumys istedi, biraq kútken nátıjeni tolyq kólemde ala almadyq», - dedi Qasym-Jomart Toqaev.


Joǵary qaraı