Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Memleket basshysy «follow the money» qaǵıdaty týraly aıtty

2021 jyldyń 16 sáýir 2021 12:24

NUR-SULTAN. QazAqparat - Memleket basshysy Qasym-Jomart Toqaev Sybaılas jemqorlyqqa qarsy is-qımyl jónindegi keńeste qylmystyq jolmen alynǵan múlikti izdestirý jáne tárkileý isine basa mán berýdi tapsyrdy.

«Qylmystyq jolmen alynǵan múlikti izdestirý jáne tárkileý isine basa mán bergen jón. Muny «follow the money» qaǵıdaty deıdi. Qylmystyq jolmen alynǵan dúnıe-múlikti tárkileý jónindegi buljymas qaǵıdat sybaılas jemqorlyqqa qatysty kez kelgen is-áreketten aýlaq bolýǵa yntalandyrýǵa tıis. Bul jumysty Agenttik qarjy monıtorıngi organdarymen birlesip atqarýy kerek», - dedi Q.Toqaev.

Budan bólek, Prezıdent qylmystyq protsestiń úsh býyndy modeli engizilip jatqanyna, mundaı model aıyptaýshylyq ustanymdy báseńdetip, qylmystyq protseske zańsyz aralasýdy boldyrmaıtynyna toqtaldy.

«Agenttikke óz qyzmetin qylmystyq protsestiń úsh býyndy modeline beıimdeýdi tapsyramyn. Jalpy, halyqaralyq ozyq tájirıbeni eskerip, sybaılas jemqorlyqqa qarsy bastamalardy engizýdi jalǵastyra bergen jón. Qoǵam, bıznes jáne ınvestorlar sybaılas jemqorlyq qysymynan saqtaıtyn myqty qorǵan bar ekenin sezinýge tıis. Jańa basshy Agenttik jumysynyń tıimdiligin odan ári arttyra túsedi dep senemin. Eńbekterińiz jemisti bolsyn!»,-dedi Memleket basshysy Qasym-Jomart Toqaev.

Aıta keteıik, keńes otyrysynda QR Sybalas jemqorlyqqa qarsy is-qımyl agenttiginiń tóraǵasy Alık Shpekbaev qyzmetinen bosatyldy.

Agenttik tóraǵasy laýazymyna Marat Ahmetjanov taǵaıyndaldy.



Joǵary qaraı