Aýa raıy
Astana 16 °S
Almaty 21 °S
valıýta baǵamy
USD 412.55
EUR 468.66
RUB 5.79
CNY 58.80

Memleket basshysy indetten qaza bolǵan azamattardy qurmetpen eske aldy

2020 jyldyń 13 shilde 2020 12:32

NUR-SULTAN. QazAqparat - Memleket basshysynyń Ókimimen 13 shilde jalpyulttyq aza tutý kúni bolyp belgilengen bolatyn. Osyǵan oraı túngi saǵat 00:00-den bastap elimizdegi barlyq Memlekettik Tý tómen túsirildi, dep habarlaıdy Aqordanyń resmı saıty.

Al búgin Nur-Sultan qalasynyń ýaqytymen saǵat 12:00-de respýblıka boıynsha koronavırýs pandemııasynyń qurbandaryn bir mınýt únsizdikpen eske alý jarııalandy.

Aqorda rezıdentsııasynyń aldynda Memleket basshysy Qasym-Jomart Toqaev koronavırýs indetinen qaza tapqan azamattardy qurmetpen bir mınýt eske aldy.

Eske alý rásimine QR Parlamenti Senatynyń Tóraǵasy Máýlen Áshimbaev, Májilis Tóraǵasy Nurlan Nyǵmatýlın, QR Memlekettik hatshysy Qyrymbek Kósherbaev, QR Prezıdenti Ákimshiliginiń basshysy Erlan Qoshanov, Qaýipsizdik Keńesiniń hatshysy Áset Isekeshev, Prezıdent Keńsesiniń bastyǵy Nurlan Onjanov, Densaýlyq saqtaý mınıstri Alekseı Tsoı qatysty.

Іndet qurbandaryn únsiz eske alý rásimi respýblıkanyń barlyq aımaǵynda ótti. Qurbandarǵa taǵzym sharasyn respýblıkalyq arnalar tikeleı efır arqyly kórsetti.

Aıta keteıik, elimizde qalyptasqan ahýalǵa baılanysty halyqqa úndeý jasaǵan QR Prezıdenti Qasym-Jomart Toqaev 13 shilde– Ulttyq aza tutý kúni dep jarııalaıtynyn málim etken bolatyn.

Tıisti ókimge Memleket basshysy 9 shilde kúni qol qoıdy.



Joǵary qaraı