Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Memleket basshysy Qaırat Kelimbetovti qabyldady

2021 jyldyń 16 maýsym 2021 18:50

NUR-SULTAN. QazAqparat - Memleket basshysy Strategııalyq josparlaý jáne reformalar agenttiginiń tóraǵasy Qaırat Kelimbetovti qabyldady, dep habarlaıdy QazAqparat Aqordaǵa silteme jasap.

Prezıdentke densaýlyq saqtaý, kásipkerlik, ornyqty ekonomıkalyq ósimdi qamtamasyz etý, óńirlerdi damytý, ınnovatsııa jáne ǵylym, sondaı-aq, agroónerkásip kesheni salalaryndaǵy ulttyq jobalardyń ázirlený barysy týraly málimet berildi.

Qasym-Jomart Toqaev ulttyq jobalar qazaqstandyqtardyń turmys sapasyn jaqsartýǵa áser etetin naqty kórsetkishteri bar ózgeristerdiń tıimdi quralyna aınalýy tıis ekenin atap ótti.

Kezdesý barysynda kelesi aıda ótkizýge josparlanyp otyrǵan Reformalar jónindegi joǵary keńes otyrysynyń kún tártibi qarastyryldy.

Memleket basshysyna «Astana» halyqaralyq qarjy ortalyǵynyń qazirgi qyzmeti, sondaı-aq, qarjylyq tehnologııalar men ınnovatsııalardy damytý, portfeldi jáne tikeleı ınvestıtsııa tartý jumystary jóninde baıandaldy.

Kezdesý sońynda Qasym-Jomart Toqaev Qaırat Kelimbetovke birqatar naqty tapsyrma berdi.


Basty sózder: Ekonomıka, Qazaqstan Prezıdenti,
Joǵary qaraı