Aýa raıy
Astana -4 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Memleket basshysy Qorǵanys mınıstri Nurlan Ermekbaevty qabyldady

2020 jyldyń 5 qarasha 2020 16:12

NUR-SULTAN. QazAqparat – QR Prezıdenti – Qarýly Kúshterdiń Joǵarǵy Bas qolbasshysy Qasym-Jomart Toqaev Qorǵanys mınıstri Nurlan Ermekbaevtyń Qazaqstan Qarýly Kúshteriniń negizgi damý baǵyttary jónindegi baıandamasyn tyńdady. QazAqparat bul týraly Aqordaǵa silteme jasap habarlaıdy.

Bul rette qazirgi áskerı qaqtyǵystardyń tájirıbesi sóz boldy.

Kezdesý barysynda Qazaqstan armııasynyń ınfraqurylymy men materıaldyq-tehnıkalyq bazasyn jetildirýdiń perspektıvalary jáne áskerdi ushqyshsyz basqarylatyn ushý apparattary men áýe shabýylyna qarsy qorǵanys quraldary sııaqty zamanaýı qarý-jaraq túrlerimen jabdyqtaý máseleleri qarastyryldy.

Sonymen qatar Memleket basshysyna halyqaralyq áskerı yntymaqtastyq pen bitimgershilik is-qımyldardyń ahýaly týraly aqparat berildi.

Qasym-Jomart Toqaevqa áskerı qyzmetshilerdiń turmystyq jáne áleýmettik jaǵdaıyn jaqsartý, olardy sapaly kıim-keshekpen qamtamasyz etý jumystary jóninde baıandaldy.

Joǵarǵy Bas qolbasshy talqylanǵan máselelerdiń ózektiligin eskere otyryp, Qorǵanys mınıstrliginiń áskerı alqa otyrysyn uıymdastyrýǵa tapsyrma berdi. Jıynda 2020 jylǵy áskerı daıyndyqtyń qorytyndylary jasalyp, aldaǵy kezeńde atqarylatyn mindetter aıqyndalady.


Joǵary qaraı