Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Memleket basshysy Premer-Mınıstr Asqar Mamındi qabyldady

2021 jyldyń 23 qarasha 2021 19:50

NUR-SULTAN. QazAqparat - Úkimet basshysy Qasym-Jomart Toqaevqa elimizdegi sanıtarlyq-epıdemıologııalyq ahýal, áleýmettik mańyzy bar taýarlardyń baǵasyn turaqtandyrý boıynsha qabyldanyp jatqan sharalar, ınvestıtsııa tartý jáne ózge de áleýmettik-ekonomıkalyq damý máseleleri jóninde esep berdi, dep habarlaıdy Aqordanyń baspasóz qyzmeti.

Premer-Mınıstr epıdemıologııalyq ahýaldyń turaqtalǵanyn jáne COVID-19 indetin juqtyrý kórsetkishiniń tómendegenin atap ótti. Onyń aıtýynsha, sońǵy aıda koronavırýs juqtyrǵandar sany 2,4 esege, statsıonarlarda em alyp jatqandar 1,4 esege, ambýlatorııalyq jaǵdaıda emdelýshiler 1,8 esege azaıǵan.

Halyqqa vaktsına salý jónindegi josparly jumystar jalǵasyp jatyr. Búginge deıin 8,7 mıllıonǵa jýyq adam ekpe alǵan. 22 qarashadan bastap búkil óńirde qaıta vaktsınalaý jumystary bastaldy.

Prezıdentke áleýmettik mańyzy bar azyq-túlik taýarlarynyń baǵasyn turaqtandyrý jáne Inflıatsııaǵa qarsy sharalar keshenin júzege asyrý jumystary týraly málimet berildi.

Asqar Mamın Qasym-Jomart Toqaevqa Qazaqstannyń Eýrazııalyq ekonomıkalyq odaqqa tóraǵalyǵynyń basym baǵyttaryn iske asyrý barysy jóninde baıandady. Atap aıtqanda, ózara tıimdi kooperatsııalyq jobalardy damytý, saýda-sattyq salasyndaǵy kedergilerdi joıý, kólik-logıstıkalyq yntymaqtastyqty nyǵaıtý, tsıfrlyq tehnologııany engizý, saýda-ekonomıkalyq yqpaldastyqty keńeıtý jónindegi birlesken jumystar jandandy.

Úkimet basshysynyń málimetine sáıkes, qazirgi ýaqytta Eýrazııalyq ekonomıkalyq odaqtyń ishki naryǵyndaǵy kedergilerdiń 80 paıyzy joıylǵan. Odaqqa múshe memleketter arasyndaǵy taýar aınalymy bıylǵy 9 aıda 32,5 paıyzǵa artyp, 52 mıllıard dollarǵa jetti. Al úshinshi eldermen aradaǵy saýda 32,7 paıyzǵa ulǵaıyp, 596 mıllıard dollardy qurady.



Basty sózder: QR Úkimeti, Qazaqstan Prezıdenti,
Joǵary qaraı