Aýa raıy
Astana -6 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Memleket basshysy Semeıdiń jańa yqshamaýdanyndaǵy qurylys jumysymen tanysty

2020 jyldyń 15 qazan 2020 13:32

SEMEI. QazAqparat - Prezıdent Qaraǵaıly yqshamaýdanyndaǵy qurylys jumystarymen tanysty, dep habarlaıdy Aqorda.

Semeıge jasaǵan jumys sapary barysynda Qasym-Jomart Toqaev jalpy kólemi 203 gektardy bolatyn Qaraǵaıly yqshamaýdanynda salynyp jatqan qurylys jumystarynyń qarqynymen tanysty.

Yqshamaýdandaǵy turǵyn-úı qory 787,7 myń sharshy metr. Fızıka-matematıka pánderin tereńdetip oqıtyn 720 oqýshyǵa arnalǵan Nazarbaev zııatkerlik mektebiniń qurylysy aıaqtalǵan. Janynda 120 oryndyq jataqhanasy bar.

Sonymen qatar memlekettik-jekemenshik áriptestik aıasynda 320 oryndyq balabaqsha salynǵan. Jýyrda Qaraǵaıly yqsham aýdanynda 1405 páterlik 20 turǵyn úı paıdalanýǵa berilgen.

Sondaı-aq Qaraǵaılyda 3 mektep, 6 bala baqsha, muz modýli jáne ońaltý ortalyǵy salynady.

Memleket basshysynyń turǵyn úı qurylysyn damytýǵa qatysty tapsyrmasy óz nátıjesin berýde. Sońǵy eki jylda 200-den astam muqtaj otbasyǵa Qaraǵaıly yqsham aýdanynan páter berilgen.





Kópbalaly analarmen kezdesken Prezıdent memleket áleýmettik qoldaýdy jalǵastyra beretinin aıtty.

– Úkimet kóp balaly analarǵa, muqtaj otbasylarǵa udaıy kómek berip keledi. Ártúrli jeńildikter qarastyryp otyr. Eń bastysy ózderińizdeı kóp balaly analardyń eńbekke erekshe degen talpynysy qýantady. Bala tárbıesimen aınalysyp qana qoımaı, halyqty jumyspen qamtyp otyrǵan ıgi isterińiz ózgelerge úlgi bolýy kerek. Sondyqtan sizderdi árdaıym qoldaı beremiz, – dedi Qasym-Jomart Toqaev.

Kópbalaly analar «Eńbek» memlekettik baǵdarlamasy sheńberinde kórsetilip jatqan qoldaýǵa, kámelettik jasqa tolmaǵan 4 jáne odan da kóp balasy bar otbasylarǵa beriletin áleýmettik járdemaqy somasynyń ulǵaıýyna, Semeıdi damytýdyń keshendi josparynyń qabyldanýyna qatysty alǵystaryn aıtty.

Sonymen qatar otbasylyq bıznesti damytýǵa beriletin granttardyń tizimin keńeıtý, grant somasyn ulǵaıtý jónindegi usynystaryn jetkizdi.

Prezıdent Qaraǵaıly yqsham aýdanyndaǵy biregeı sport keshenin aralap kórip, mundaı nysan Qazaqstannyń ár qalasynda salynýy qajet ekenin atap ótti.














Joǵary qaraı