Aýa raıy
Astana -26 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Memleket basshysy: sottar qoǵammen ashyq dıalogty jolǵa qoıýy tıis

2020 jyldyń 23 qazan 2020 13:07

NUR-SULTAN. QazAqparat - Sottar qoǵammen ashyq dıalogty jolǵa qoıýy tıis. Bul týraly QR sýdıalarynyń VIII sezinde Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Taǵy bir mańyzdy sát - sot tájirıbesiniń birkelkiligi men júıeliligi. Bul - azamattar men bıznestiń senim máselesi. Qoǵam ashyqtyǵy arta túsken jaǵdaıda sottar kommýnıkatsııanyń túrli arnalary arqyly qoǵamdyq ınstıtýttarmen ashyq dıalogty jolǵa qoıýy tıis», - dedi QR Prezıdenti.

Memleket basshysynyń atap ótýinshe, sottarda qoǵammen jáne BAQ-pen ózara is-qımyl boıynsha tıimdi strategııa bolýy qajet.

«Búginde Qazaqstannyń sot júıesiniń aldynda osyndaı mindet tur. Eger biz bul máselelerdiń barlyǵyn ádil ári saýatty sheshetin bolsaq, onda reformalardyń maqsatyna qol jetkize alatyndyǵymyzǵa senimdimin. Bul bizdiń ortaq maqsatymyz. Bul baǵytta birlese otyryp jumys isteımiz dep oılaımyn», - dedi Qasym-Jomart Toqaev.


Avtor Marlan Jıembaı
Basty sózder: Qazaqstan Prezıdenti, Sot, Qoǵam,
Joǵary qaraı