Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Memleket basshysy Svevind Group kompanııasynyń prezıdentin qabyldady

2021 jyldyń 13 qyrkúıek 2021 17:21

NUR-SULTAN. QazAqparat - Memleket basshysy Qasym-Jomart Toqaev Svevind Group kompanııasynyń prezıdenti Volfgang Kroppty qabyldady, dep habarlaıdy Aqorda.

Svevind Group nemis-shved kompanııalar tobynyń basshysy Qazaqstan Prezıdentine «jasyl» energetıka salasyndaǵy ınvestıtsııalyq jobalardy júzege asyrýdyń perspektıvalary týraly aıtty.

Atap aıtqanda Mańǵystaý oblysynda jel jáne kún elektr stantsııalarynyń qurylysyna qatysty jobany iske asyrý jáne sodan keıin resýrstardy «jasyl» sýtegi óndirisine bólý josparlanyp otyr. Sonymen qatar jel generatorlary men kún energııasyn óndiretin panelderdi jergilikti jerde shyǵarý múmkindigi qarastyrylýda.

Qasym-Jomart Toqaev jańartylatyn qýat kózderin paıdalanýǵa jáne el ekonomıkasyndaǵy kómirtegine táýeldilikti tómendetýge basymdyq beretinin aıtty. Onyń pikirinshe, sýtegi energetıkasyna arnaıy nazar aýdarý kerek.

Memleket basshysy kompanııanyń usynǵan ınvestıtsııalyq usynystaryn oń baǵalap, Volfgang Kroppqa memleket tarapynan qoldaý kórsetiletinin aıtty.


Basty sózder: Qazaqstan Prezıdenti, Aqorda,
Joǵary qaraı