Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Memleket basshysy Tóleýbek Aralbaıdyń týystaryna kóńil aıtty

2022 jyldyń 20 qańtar 2022 17:27

NUR-SULTAN. QazAqparat - Memleket basshysy Qazaqstannyń eńbek sińirgen ártisi Tóleýbek Aralbaıdyń týystaryna kóńil aıtý jedelhatyn joldady. Bul týraly QR Prezıdentiniń baspasóz hatshysy Berik Ýálı jelidegi paraqshasynda jazdy.

Qasym-Jomart Toqaev teatr jáne kıno akteri, Qazaqstannyń eńbek sińirgen ártisi Tóleýbek Muhamedjanuly Aralbaıdyń dúnıeden ótýine baılanysty onyń jaqyndary men týystaryna kóńil aıtty.

«Tóleýbek Muhamedjanuly qazaq óneriniń qara shańyraǵy M.Áýezov atyndaǵy akademııalyq drama teatrynda uzaq jyldar qajyrly eńbek etti. Otandyq kıno men teleserıaldardyń sánin kirgizip, akterlik sheberligimen kórermender kózaıymyna aınaldy. Ustaz retinde kóptegen talanttardyń jolyn ashty. Teatr jáne kıno ónerin órkendetýge mol úles qosqan Tóleýbek Muhamedjanulynyń jarqyn beınesi umytylmaıdy. Marqumnyń ımany salamat, jany jánnatta bolsyn», – delingen jedelhatta.

Budan buryn habarlanǵandaı teatr jáne kıno akteri Tóleýbek Aralbaı dúnıeden ótti.



Basty sózder: Qazaqstan Prezıdenti, Mádenıet,
Joǵary qaraı