Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Memleket qurýdyń jańa kezeńine aıaq basqaly turmyz - Erlan Qoshanov

2022 jyldyń 29 sáýir 2022 18:04

NUR-SULTAN. QazAqparat – Búgin Májilis spıkeri, «AMANAT» partııasynyń tóraǵasy Erlan Qoshanov fraktsııa jınalysyn ótkizip, saıası reformalar aıasynda depýtattar aldyndaǵy jańa mindetterdi aıqyndady, dep habarlaıdy QazAqparat Palatanyń baspasóz qyzmetine silteme jasap.

Erlan Qoshanov Prezıdenttiń QHA sessııasy barysynda Konstıtýtsııaǵa ózgerister engizý boıynsha búkilhalyqtyq referendým ótkizý týraly bastamasynyń mańyzdylyǵyna erekshe nazar aýdardy.

«Bul - jan-jaqty saralanǵan tarıhı sheshim. Biz memleket qurýdyń jańa kezeńine aıaq basqaly turmyz. Ol - azamatardyń saıasatqa aralasý múmkindigin keńeıtýge baǵyttalǵan elimizdiń qoǵamdyq-saıası júıesiniń transformatsııasy. Aldaǵy ózgeristerdiń aýqymyn eskere otyryp, oǵan kúlli halyqtyń qatysýy óte mańyzdy. Sondyqtan, Memleket basshysy referendým ótkizýdi usyndy», – dedi Erlan Qoshanov.

Májilis Tóraǵasy atap ótkendeı, Qazaqstan memleket pen qoǵamnyń ózara is-qımylynyń jańa modeline kóshe bastady. Ol ózgeristerdiń aýqymy eskerile otyryp, «Ekinshi respýblıka» dep ataldy. Spıker Májilis depýtattaryna da zor jaýapkershilik júktelip otyrǵanyn aıtyp, olardyń túsindirý jumystaryna qatysýy mańyzdy ekenin atap ótti.

«Bizdiń mindetimiz – Memleket basshysy usynǵan saıası reformalardy halyqqa durys jetkizý», – dedi Palata tóraǵasy.

Óńirlerdegi túrli dıalog alańdarynda, eńbek ujymdarynda jáne dárigerler, muǵalimder, jastar, qoǵamdyq kóshbasshylarmen, sondaı-aq ǵylymı-sarapshylyq orta ókilderimen kezdesýler ótkizýdiń qajettigin aıtty. Bul rette qalalar men aýdandarǵa ǵana emes, sondaı-aq ár túrli sanattaǵy azamattardy barynsha qamtı otyryp, shalǵaı eldi mekenderge de shyǵýdy tapsyrdy.


Joǵary qaraı