Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Memlekettik bilim grantyna qujat tapsyrý merzimi 26 shildege deıin uzartyldy

2021 jyldyń 25 shilde 2021 16:24

NUR-SULTAN. QazAqparat - Qazaqstanda memlekettik bilim grantyna qujat qabyldaý merzimi taǵy bir kúnge sozylady, dep habarlaıdy QazAqparat.

Aıta keteıik, buǵan deıin Bilim jáne ǵylym mınıstrligi grant taǵaıyndaý konkýrsyna qatysý úshin qujat qabyldaý 25 shildede aıaqtalady dep josparlaǵan bolatyn.

«Alaıda talapkerlerden qujat qabyldaý merzimin uzartý týraly ótinishter kelip tústi. Óıtkeni qujat tapsyrýdyń sońǵy kúni jeksenbige keledi. Osyǵan baılanysty BǴM qujat qabyldaýdy taǵy bir kúnge – 26 shildege deıin uzartý týraly sheshim qabyldady. Qujattar joǵary oqý oryndarynyń vırtýaldy qabyldaý komıssııalary arqyly qabyldanatynyna nazar aýdarýlaryńyzdy suraımyz» delingen habarlamada.

Talapkerlerdiń densaýlyǵyn qorǵaý maqsatynda elimizdiń barlyq joǵary oqý oryndarynda vırtýaldy qabyldaý komıssııalary jumys isteıdi.

Olardyń kómegimen konkýrsqa qatysý úshin qujattardy onlaın formatta tapsyrýǵa bolady.

Vırtýaldy qabyldaý komıssııalarynyń tizimi myna siltemede.


Joǵary qaraı