Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Memlekettik kirister komıteti tóraǵasynyń orynbasary taǵaıyndaldy

2021 jyldyń 20 qyrkúıek 2021 20:01

NUR-SULTAN. QazAqparat - QR Qarjy mınıstriniń buıryǵymen Memlekettik kirister komıteti tóraǵasynyń orynbasary qyzmetine Baqytjan Slıamov taǵaıyndaldy.

Slıamov Baqytjan Orazǵalıuly, 1983 jyly týǵan.

2006 jyly Qazaq gýmanıtarlyq zań ýnıversıtetin zańger mamandyǵy boıynsha, 2009 jyly - Shákárim atyndaǵy Semeı memlekettik ýnıversıtetin qarjy bakalavry mamandyǵy boıynsha bitirgen.

Eńbek jolyn 2005 jyly «Jeti Jarǵy» JShS zań fırmasynda zań keńesshisinen bastap, dırektorǵa deıin jetti.

2009 jyldyń qazanynda QR Parlamenti Májilisiniń Keńsesinde memlekettik qyzmetke depýtattyń kómekshisi retinde qabyldandy, onda 2014 jyldyń qańtaryna deıin jumys istedi.

2014 jyldyń qańtarynan 2019 jyldyń sáýirine deıin QR Prezıdenti Ákimshiliginiń Áleýmettik-ekonomıkalyq monıtorıng bóliminde sarapshy, keńesshi, ınspektor bolyp jumys istedi.

2019 jyldyń sáýir aıynan bastap sońǵy taǵaıyndalǵanǵa deıin QR Qarjy mınıstrligi Memlekettik kirister komıtetiniń Adam resýrstary jáne ishki basqarý departamentiniń dırektory qyzmetin atqardy.


Joǵary qaraı