Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Memlekettik rámizder kúni árbir shynaıy patrıot úshin erekshe qasterli mereke - Baýyrjan Baıbek

2021 jyldyń 4 maýsym 2021 12:51

NUR-SULTAN. QazAqparat – Memlekettik rámizder kúni árbir shynaıy patrıot úshin erekshe qasterli mereke. Bul týraly «Biz - el patrıotymyz» halyqaralyq jastar forýmynda Nur Otan partııasy Tóraǵasynyń birinshi orynbasary Baýyrjan Baıbek aıtty, dep habarlaıdy QazAqparat tilshisi.

«Memlekettik rámizder kúni árbir shynaıy patrıot, óz eliniń ulany úshin erekshe qasterli mereke. Bıylǵy merekeniń Táýelsizdigimizdiń 30 jyldyǵy atalyp ótetin mereıli jylǵa kelýi onyń maǵynasyn aıshyqtaı túsedi. Al osy ýaqytta jastar forýmyn ótkizý - sımvolıkalyq turǵydan da, tárbıelik jaǵynan da aıryqsha mánge ıe is-shara. Baıtaq elimizdiń túkpir-túkpirinen jınalǵan pikirles, nıettes, naǵyz patrıot jastardy kórgenime óte qýanyshtymyn. Ózderińiz biletindeı, osydan 29 jyl buryn elimizde tuńǵysh ret Memlekettik rámizder qabyldanǵan bolatyn. Tý, Eltańba jáne Ánuran halyqtyń armany men muratyn, darhandyǵy men daralyǵyn, áleýmeti men múmkindiginiń jıyntyq kórinisi. Men barshańyzdy búgingi QR Memlekettik rámizder kúnimen shyn júrekten quttyqtaımyn», - dedi Baýyrjan Baıbek.

Ol búginde Qazaqstan turaqty damyp, órken jaıǵan memleket ekendigin basa aıtty.

«Sizder - Táýelsiz Qazaqstannyń óskeleń urpaǵy Otanymyzdy, biregeı jolymyzdy, ekonomıkamyzdy órkendetýge tereń bilim, qajyrly eńbek, ózara ortaq maqsatqa jumylý arqyly úles qosasyzdar dep aldyńǵy býyn úlken senim artady. Elbasy Nursultan Nazarbaev bir sózinde: «Biz Táýelsizdikke asa zaryǵyp jettik. Endi sol Táýelsizdiktiń qasıetti beligilerin de erekshe qadirleýmiz, qasterleýimiz kerek. Árbir azamat Qazaqstannyń Týyn, Eltańbasyn, Ánuranyn tumardaı qasıet tutýy qajet. Eldigimizdiń synalatyn tusy da osy» degen edi. Tuńǵysh Prezıdentimizdiń osynaý ulaǵatty sózin elimizdiń árbir azamaty júrek túkpirinde saqtap, árkez jadynda ustap, oryndaýy qajet. Jastar erteńgi jarqyn bolashaǵymyz ǵana emes, álemdik deńgeıdegi búgingi básekege qabilettiligimizdiń de negizi. Sizderdiń bilim alyp, jan-jaqty damýlaryńyz, azamat bolyp qalyptasýyńyz úshin jaǵdaı jasaý, memlekettik saıasattyń da Nur Otan partııasynyń da negizgi basymdyǵy», - dedi partııa Tóraǵasynyń birinshi orynbasary.


Joǵary qaraı