Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Memlekettik satyp alýdy bir kózden júzege asyrý 20%-ǵa qysqarady

2022 jyldyń 20 mamyr 2022 13:26

NUR-SULTAN. QazAqparat – Memlekettik satyp alýdy bir kózden júzege asyrýdy azaıtý maqsatynda jańa talap engizildi. Bul týraly QR Qarjy vıtse-mınıstri Dáýren Keńbeıil málim etti, dep habarlaıdy QazAqparat tilshisi.

«Ótken jyldyń qorytyndysy boıynsha memlekettik satyp alýdy bir kózden satyp alý 69 paıyzdan 39 paıyzǵa qysqardy. Bıyl 6 satyp alýdyń negizdemesin zańnamadan alyp tastap, taǵy 4 negizdemeni alyp tastaý boıynsha usynys berildi. 2022 jyldyń qorytyndysy boıynsha, bizdiń paıymdaýymyzǵa sáıkes memlekettik satyp alýdy bir kózden satyp alý kólemi 20 paıyzǵa deıin qysqarady dep kútip otyrmyz», - dedi Dáýren Keńbeıil Ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, memlekettik satyp alý boıynsha tapsyrys berýshilerge qoıylatyn talap arta túspek.

«Eger tapsyrys berýshi tek bir kózden satyp alǵan jaǵdaıda arnaıy veb-portal arqyly esep beredi. Ol jerde ne úshin bir ǵana kózden satyp alý sebebin túsindiredi jáne jaýapty tulǵanyń aty-jóni men qoly qoıylady. Osylaısha tapsyrys berýshi jaýapkershilikti óz moınyna alady», - deıdi ol.

Sondaı-aq, mınıstr orynbasary kvazımemlekettik kompanııalarǵa da qatysty ekenin málim etti.

«Kvazımemlekettik kompanııalardyń da memlekettik satyp alýdy bir kózden júzege asyrýyn azaıtýǵa qatysty Memleket basshysynyń tapsyrmasy bar. Bıyl 1 qańtardan bastap kvazımemlekettik kompanııalardyń satyp alýdy bir kóz arqyly qol jetkizýdi 47 paıyzdan 34 paıyzǵa deıin azaıdy. Bir ǵana «Samuryq-Qazyna» ulttyq kompanııasynyń bir kózden satyp alýy 34 paıyzdan 20 paıyzǵa deıin qysqardy», - dedi D. Keńbeıil.


Joǵary qaraı