Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Memorgandar zań normalaryn halyqqa qarapaıym tilmen túsindiredi

2021 jyldyń 18 aqpan 2021 12:03

NUR-SULTAN. QazAqparat – Aldaǵy ýaqytta memlekettik organdar qabyldanǵan zań normalaryn halyqqa qarapaıym tilmen túsindiretin bolady. Bul týraly QR Ádilet mınıstri Marat Beketaev aıtty, dep habarlaıdy QazAqparat tilshisi.

Aıta keterligi, búgin Senattyń jalpy otyrysynda depýtattar «Qazaqstan Respýblıkasynyń keıbir zańnamalyq aktilerine normashyǵarmashylyqty jetildirý máseleleri boıynsha ózgerister men tolyqtyrýlar engizý týraly» zańdy eki oqylymda qabyldanǵan bolatyn.

Osy qujatty talqylaý barysynda senator Dana Nurjigit zańdy ázirleýshiler bir máselege nazar aýdarýy qajettigin aıtty.

«Biz shyn máninde halyq úninen qulaq asatyn memleket quramyz desek, myna bir máselege nazar aýdarýymyz qajet. Óńirlerge is-sapar barysynda baıqaǵanym, halyq qabyldanyp jatqan zańdardan kóp jaǵdaıda beıhabar. ıAǵnı, Parlamentte qabyldanǵan zań óńirlerge, halyqqa jetkizilmeıdi. Kezdesýde azamattarymyzdyń kóbisiniń suraǵy alyp-qashpa áńgimelerge negizdelgen. Sol sebepti halyqqa zańdy ashyq, qarapaıym túlde túsindire alý jáne ony barynsha taratý máselesin kúsheıtý qajet. Mine, osynyń saldarynan áleýmettik jelidegi blogerler, táýelsiz sarapshylar zańdy óz paıym, túsinigi sheńberinde taldap, talqylap jatady. Al tıisti memlekettik organnyń túsindirmesi keshigip baryp, qoǵam qyzý talqylaǵannan keıin ǵana resmı túrde taratyla bastaıdy. Demek, halyq pen bılik arasyndaǵy medıakommýnıkatsııada problema bar», - dedi Dana Nurjigit.

Osy oraıda senator Ádilet mınıstrinen talqylanǵan qujatta kózdelgen zań jobasy men qabyldanǵan zańdy aqparattyq túsindirý baǵdarlamasynyń oryndalýyn kim qabaǵalaıtyndyǵyn jáne oryndalý tetikterin túsindirýdi suraǵan edi.

«Zańdy túsindirý jáne aqparattyq súıemeldeý baǵdarlamasynyń oryndalýyn Ádilet mınıstrligi men Aqparat jáne qoǵamdyq damý mınıstrligi qadaǵalaıdy. Mundaı baǵdarlama zań jobasynyń normalaryn azamattarǵa túsindirýge baǵyttalǵan is-sharalardy kózdeıdi. Bul is-sharalar jańa quqyqtar men mindetterdi halyqqa túsinikti tilde jetkizýdi qamtamasyz etedi. Mysaly, zań jobalar ázirlengen kezde ázirleýshi organdar ashyq qoǵamdyq talqylaýlar ótkizedi. BAQ-qa brıfıng uıymdastyrady. Al zań qabyldanǵannan keıin ázirleýshi organdar tájirıbelik nusqaýlar berip, arnaýly beınerolıkter jasaıdy jáne ınternetke ornalastyrady. Basqa da tásilderdi qoldaýy múmkin», - dep jaýap berdi mınıstr.


Joǵary qaraı