Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Men qorǵanýym kerek» qaǵıdasyn ustanǵan durys - ımmýnolog

2021 jyldyń 16 maýsym 2021 16:38

ALMATY. QazAqparat - Almaty qalasy Óńirlik kommýnıkatsııalar qyzmeti alańynda ótken brıfıngte S.Asfendııarov atyndaǵy QazUMÝ ımmýnologııa kafedrasynyń meńgerýshisi Elmıra Bıtanova qala turǵyndaryn koronavırýsqa qarsy vaktsına týraly jalǵan aqparatqa senbeýge shaqyrdy, dep habarlaıdy QazAqparat tilshisi.

Immýnologtyń aıtýynsha, vaktsınadan buryn antıdenelerge test jasaý tıimsiz. Óıtkeni olardyń bolýy vaktsınaǵa áser etpeıdi.

Elmıra Bıtanova koronavırýs ınfektsııasyn juqtyrǵan adamdardyń vaktsınadan bas tartpaý kerektigin aıtty. Ýaqyt óte kele COVID-19 antıdeneleriniń sany azaıyp, indetti qaıta juqtyrý qaýpi bar.

Immýnolog vaktsınanyń birinshi kezeńinen keıin ımmýnıtet tómendep, koronavırýs ınfektsııasyn juqtyrý qaýpi artady degen aqparatty joqqa shyǵardy.

Sonymen qatar, ol janama áserdiń qalypty ekenin málim etti. Óıtkeni vırýstyń ózi úlken qaýip tóndiredi. Sondaı-aq vaktsına onkologııa men basqa da genetıkalyq aýrýlardy týdyrmaıdy. Bul shyndyqqa janaspaıtyn aqparat ekenin tilge tıek etti.

«Vaktsına ımmýndyq júıeni qalyptastyrý úshin jasalǵan. Bul týa bitken ımmýnıtet sııaqty. Ári qaraı adaptıvti ımmýnıtet qalyptasady. Bul tizbek antıgenmen alǵashqy kezdesýde aıaqtalady. Sodan keıin jady jasýshalary paıda bolady. Olar biregeı ári qozdyrǵysh túrinde keledi. Bul vaktsınanyń eki kezeńin bildiredi», - dedi dáriger.

Ol vaktsınadan keıin temperatýra kóterilse, alańdamaýǵa shaqyrdy. Aıtýynsha, bul ımmýndyq jaýapqa tán reaktsııa.

Immýnolog vaktsına alǵan adamdarǵa sanıtarlyq-epıdemıologııalyq talaptardy da saqtaý kerektigin eskertti. Óıtkeni vırýs áli bar.

Elmıra Bıtanova vırýstyń jabyq bólmede tasymaldaný qaýpi joǵary ekenin aıtty.

«Vırýsty bir bólmeden ekinshi bólmege tasymaldaýǵa bolady. Óıtkeni Japonııadaǵy laınerlerde adamdar óz kabınalarynan shyqpaı-aq juqtyrǵan», - dedi ol.

Onyń aıtýynsha, bir bólmege ornatylǵan jeldetkish vırýs týdyrmaıdy, biraq ol sýyq tııýge sebep bolady.

Immýnolog antıdeneler máselesin de qozǵady.

«Men qorǵanýym kerek» qaǵıdatyn ustana otyryp, sanıtarlyq normalardy saqtap, vaktsına alǵan jón», - dedi dáriger.


Joǵary qaraı