Aýa raıy
Astana -6 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

«Men jastarǵa senemin» respýblıkalyq jastar forýmynyń jeńimpazdary anyqtaldy

2020 jyldyń 24 qarasha 2020 16:53

ALMATY. QazAqparat – Almatyda elimizdiń Tuńǵysh Prezıdenti kúnine arnalǵan «Men jastarǵa senemin!» VIII Respýblıkalyq jastar forýmynyń jeńimpazdaryn marapattaý rásimi ótti, dep habarlaıdy QazAqparat.

Bıylǵy jyly ınnovatsııa jáne shyǵarmashylyq, jasampazdyq prızmasy arqyly patrıotızmdi damytýǵa baǵyttalǵan baıqaý onlaın formatta uıymdastyryldy.

Ál-Farabı atyndaǵy QazUÝ respýblıkalyq jastar forýmyn QR Tuńǵysh Prezıdenti kúnine arnap 2013 jyldan beri ótkizip keledi. Bıyl shara sáýir aıynan bastaý alyp álemdik pandemııaǵa baılanysty onyń barlyq kezeńderi onlaın rejımde ótti. Jyl saıynǵy forýmǵa qatysýshylar kelesi baıqaýlar boıynsha baq synasty: «Men óz elimniń órkendeýi úshin ne isteı alamyn» úzdik esse, «Elimizdiń ınnovatsııalyq damýyna qosqan naqty úlesim» atty úzdik ınnovatsııalyq joba; «Men jastarǵa senemin!» azamattyq-patrıottyq baǵyttaǵy poezııalyq shyǵarma jáne «Máńgilik el muratym!» avtorlyq patrıottyq ánder, «Sanaly urpaq» parasattylyq prıntsıpterin nasıhattaıtyn úzdik joba.





Forým keńinen tanylyp, damyp keledi, onyń nomınatsııalarynyń tizimi jyl saıyn jańartylýda. Ábý Nasyr Ál-Farabıdiń 1150 jyldyǵy men Eriktiler jylynda ony «Qaiyrymdy qoǵam» stýdenttik qaıyrymdylyq jobasynyń baıqaýy tolyqtyrdy. Sonymen qatar, forýmnyń men_jastarga_senemin_kaznu ınstagram-akkaýntynyń oqyrmandary men kórermender anyqtaıtyn «Kórermender kózaıymy syılyǵy» nomınatsııasy taǵaıyndaldy.

Forýmǵa qatysý úshin elimizdiń barlyq aımaqtarynan 5 myńǵa jýyq stýdent tirkeldi. Shyǵarmashylyq jobalar men beıne prezentatsııalardy bedeldi sarapshylar – qoǵam qaıratkerleri, bıznes ókilderi, memlekettik organdar, mádenıet jáne óner qaıratkerleri men ǵalymdardan jınalǵan táýelsiz qazylar alqasy baǵalady. Nátıjesinde 300 úzdik joba sońǵy týrdyń fınalyna ótti.

QazUÝ rektory akademık Ǵalym Mutanov forýmnyń fınalısterin qarsy ala otyryp, olardyń táýelsiz Qazaqstannyń bolashaǵy ekenin atap ótti. Naq osy jas urpaqtyń aldynda jasampaz ister estafetasyn jalǵastyrý jáne eldiń órkendeýin qamtamasyz etý mindeti tur.

«Mundaı mıssııany tek patrıotty, deni saý jáne adamgershilik turǵyda básekege qabiletti jáne áleýmettik jaýapty jastar ǵana júzege asyra alady. Sondyqtan árqaısyńyz eń aldymen, óz otbasyńyzdyń jáne eń bastysy, óz Otanyńyzdyń aldyndaǵy úlken jaýapkershilikti durys uǵynyp, túsinip, sezinýlerińiz kerek! Forým sizder úshin jańa jetistikterge bastaý bolady dep úmittenemin», - dep atap ótti rektor.

Baıqaý laýreattary men júldegerleri dıplomdar jáne baǵaly syılyqtarmen marapattalady, al jeńimpazdar QazUÝ-da bir jyl tegin oqý grantyna ıe boldy.

Úzdik stýdenttik ınnovatsııalyq joba baıqaýynda E.Bóketov atyndaǵy QarMÝ-den Pavel Ivachev jeńiske jetti. Qazylar alqasy Sh.Ýálıhanov atyndaǵy Kókshetaý ýnıversıtetinen Qýandyq Serikovtyń jumysyn úzdik esse dep, al poetıkalyq shyǵarmalar boıynsha H.Dosmuhamedov atyndaǵy Atyraý memlekettik ýnıversıtetiniń stýdenti Nurjol Jaqsylyqtyń týyndysyn úzdik dep tanydy. A.Baıtursynov atyndaǵy Qostanaı memlekettik ýnıversıtetinen Nıkolaı ıAroshenko avtorlyq patrıottyq án baıqaýynda birinshi bolsa, S. Amanjolov atyndaǵy ShQMÝ-dyń stýdenti Dıdar Jarqyn «Sanaly urpaq» parasattylyq qaǵıdattaryn ilgeriletý jobasymen úzdik dep tanyldy.





«Qaiyrymdy qoǵam» stýdenttik qaıyrymdylyq jobalar baıqaýynda Qazaq ulttyq qyzdar pedagogıkalyq ýnıversıtetiniń stýdenti Nadyrhanova Dılıara jeńiske jetti. Talantty jas kompozıtor Rahat-Bı Ábdisaǵın uly oıshyl ál-Farabıdiń mereıtoıyna arnap fortepıano men sımfonııalyq orkestrge jazǵan «Qubylys» atty sımfonııalyq poemasy úshin forýmnyń arnaıy dıplomymen marapattaldy. Respýblıkalyq forýmdy uıymdastyrýshy – ál-Farabı atyndaǵy QazUÝ nomınatsııa laýreattary men baıqaýlardyń alǵashqy úsh oryn ıegerlerine kelesi jyly ýnıversıtette ótetin jazǵy kóshbasshylyq mektebine qatysýǵa múmkindik berdi. «Men jastarǵa senemin!» VIII respýblıkalyq jastar forýmynyń jeńimpazdaryn saltanatty marapattaý rásiminiń translıatsııasyn AlFarabiTV YouTube arnasynan kórýge bolady.











Basty sózder: Almaty, Jastar, JOO-lar,
Joǵary qaraı