Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Men jastarǵa senemin» respýblıkalyq jastar forýmynyń jeńimpazdary anyqtaldy

2021 jyldyń 26 qarasha 2021 01:09

ALMATY. QazAqparat - Ál-Farabı atyndaǵy Qazaq ulttyq ýnıversıtetinde «Men jastarǵa senemin» respýblıkalyq patrıot jastardyń forýmy ótti. Dástúrli túrde toǵyzynshy márte ótkizilip otyrǵan shara Táýelsizdiktiń 30 jyldyǵy men Tuńǵysh Prezıdent kúnine oraı uıymdastyryldy, dep habarlaıdy QazAqparat tilshisi.

Aýqymdy is-sharanyń basty maqsaty – ınnovatsııa men shyǵarmashylyqty ushtastyrý arqyly jastar patrıotızmin damytý.

«Men jastarǵa senemin» forýmy aıasynda respýblıka boıynsha stýdentterdiń ǵylymı jumystary qabyldandy. Jarysqa barlyq óńir qatysyp, úzdik dep tanylǵandar 1 jyldyq tegin grantqa ıe boldy.

«Men jastarǵa senemin» respýblıkalyq forýmynyń gran-prı ıegerleriniń biri – Semeı memlekettik medıtsına ýnıversıtetiniń stýdenti Damır Shadıbekuly.

Ol «Dáriger – ardaqty mamandyq» beınerolık baıqaýyna óziniń týyndysyn usynyp, jeńiske jetip otyr.

«Jastardyń eńbegin baǵalap, múmkindik beretin búgingi forýmnyń mańyzdylyǵy óte joǵary. Osy forýmdy ótkizýge muryndyq bolǵan barsha uıymdastyrýshylarǵa alǵysym sheksiz. Jeńiske jetkenime óte qýanyshtymyn», – dedi Damır Shadıbekuly.














Joǵary qaraı