Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Menshik ıeleriniń birlestikteri qalaı qurylady

2021 jyldyń 22 sáýir 2021 17:24

ALMATY. QazAqparat - Almaty qalasy turǵyn úı saıasaty basqarmasynyń basshysy Erjan Seıtenov onlaın brıfıng barysynda menshik ıeleriniń birlestikteri men qarapaıym seriktestiktiń qalaı qurylatynyn aıtyp berdi, dep habarlaıdy QazAqparat tilshisi.

«Menshik ıeleriniń birlestikteri (MIB) qurý úshin jalpy jınalysqa nemese saýalnamaǵa qatysýshylardyń jartysynan kóbiniń kelisimi qajet ekenin este ustaǵan jón. Al qarapaıym seriktestik qurý úshin úı turǵyndarynyń 100% kelisimi qajet. Olardyń árqaısysy senimhat berip, birlesken qyzmet týraly shartqa qol qoıýy kerek», - dedi spıker.

Erjan Seıtenov MIB tóraǵasy nemese qarapaıym seriktestiktiń senimdi ókili bir jylǵa saılanatynyn aıtty. Sonymen qatar, úı keńesi saılanady. Jınalysta keminde 51% bolýy kerek turǵyndar kem degende úsh páter ıesi kiretin úı keńesiniń múshelerin saılaýy kerek. Olar úsh jylǵa saılanady.

Ári qaraı, basqarýdyń eki formasynyń birin tańdaıdy: MIB nemese QS. Nemese úı keńesine basqarý formasyn tańdaýǵa ókilettik beredi.

Tirkeý nátıjeleri boıynsha zańdy tulǵany memlekettik tirkeý týraly anyqtama beriledi. MIB men QS ekinshi deńgeıdegi bankte aǵymdaǵy jáne jınaq shottaryn ashýy tıis.

«Jalpy alǵanda, MIB, QS, basqarýshy nemese basqarýshy kompanııanyń qyzmetin úılestirýdi jáne úıdi basqarý jáne ortaq múlikti ustaý boıynsha aı saıynǵy, jyldyq esepterdi qaraýdy úı keńesi júzege asyrady. MIB/QS qarjy-sharýashylyq qyzmetin baqylaýdy tekserý komıssııasy nemese tekserýshi júzege asyrady», - deıdi Erjan Seıtenov.

Onyń aıtýynsha, eger turǵyndar MIB tóraǵasyn saılasa, onda ol servıstik uıymdarmen tikeleı jumys isteýge, menshik ıeleri birlestiginiń atynan sharttar jasasýǵa, qyzmetterge aqy tóleýge quqyly. Jınalǵan qarajatty úıdiń keńesi baqylaıdy, al barlyq baqylaý men monıtorıng turǵyndarǵa qalady.


Avtor Alma Muqanova
Basty sózder: Turǵyn úı, Almaty,
Joǵary qaraı