Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Merki-Shý-Býrylbaıtal jolynyń bir bóliginde qozǵalys ashyldy

2021 jyldyń 24 jeltoqsan 2021 17:42

NUR-SULTAN. QazAqparat - «Merki-Shý-Býrylbaıtal» tasjolynyń uzyndyǵy 257 shaqyrym bolatyn bóliginde qozǵalys ashyldy, dep habarlaıdy QazAqparat.

Bul jaıynda Indýstrııa jáne ınfraqurylymdyq damý mınıstrligi málimet taratty.

Memleket basshysy Qasym-Jomart Toqaevtyń tapsyrmasyna sáıkes «Merki – Shý– Býrylbaıtal» avtomobıl jolynyń uzyndyǵy 257 shaqyrym bolatyn ýchaskesinde qozǵalys ashyldy.

Jambyl oblysynyń ákimi Berdibek Saparbaev pen QR IIDM Avtomobıl joldary komıtetiniń tóraǵasy Tólegen Abdýllın atalǵan jol aýmaǵynda bolyp, atqarylǵan jumystardyń nátıjelerimen tanysty.

Shý qalasynyń aınalma ýchaskesinde belgilengen merzimnen buryn 7 kópir men jol ótpeleriniń, sonyń ishinde uzyndyǵy 204 metr bolatyn Shý ózeni arqyly ótetin eń úlken kópirde jumys aıaqtalǵan bolatyn.







Jobalyq quny – 15 mlrd teńge.

Atalǵan ýchaskede qozǵalystyń ashylýy tranzıttik kóliktiń kedergisiz ótýin qamtamasyz etedi jáne Shý qalasyn Moıynqum, Birlik, Aıdarly, Báıdibek sııaqty jaqyn mańdaǵy eldimekendermen baılanystyrady.

«QazAvtoJol» UK « AQ Jambyl oblysy boıynsha fılıalynyń dırektory Aıjan Týǵanovanyń aıtýynsha, uzyndyǵy 62 shaqyrym bolatyn «Shý-Hantaý« ýchaskesindegi jumystar tolyǵymen aıaqtalǵan. Nysan josparlanǵan merzimnen alty aı buryn paıdalanýǵa berildi.

- «Merki-Shý» jáne «Hantaý-Býrylbaıtal» ýchaskelerinde bir baǵytta qozǵalys ashyldy, 4 kópirge kireberiste jumys júrip jatyr. Jumysty tolyq aıaqtaý 2022 jylǵy qarashaǵa kózdelgen. Aýqymdy joba aıasynda 6 kópir, temir jol arqyly 3 jol ótpesi, jaryqtandyrylatyn 11 kólik aıryǵy, 9 jaılastyrylǵan demalys alańy jáne 34 kólik pavılony salynbaq. Barlyǵy jergilikti turǵyndardan 800-den astam qyzmetker, 400-den astam tehnıka birligi jumyldyrylǵan, - deıdi A.Týǵanova.

Kelesi jyly «Shý-Blagoveenka» avtomobıl jolyna kúrdeli jóndeý júrgizý úshin qarajat bólinedi.

Joǵaryda atalǵan jobalardy aıaqtaý Qazaqstannyń soltústigi men ońtústigi aralyǵyndaǵy, sondaı-aq, Qyrǵyzstanmen tranzıttik áleýetti edáýir arttyrýdy qamtamasyz etedi.


Joǵary qaraı