Aýa raıy
Astana -27 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Merzimi ótken PTR anyqtamamen ushyp kelgen jolaýshy deportatsııalandy

2020 jyldyń 28 qarasha 2020 11:10

ALMATY. QazAqparat - Almaty qalasynyń halyqaralyq áýejaıynda merzimi ótken PTR-anyqtamasymen kelgen shetel azamaty deportatsııalandy, dep habarlaıdy QazAqparat.

27 qarashada Qazaqstan Respýblıkasynyń aýmaǵyna Egıpet, BAÁ, QHR, Grýzııa, Reseı Federatsııasy, Túrkııa, Belarýs Respýblıkasy jáne Ózbekstannan 20 halyqaralyq áýe reısi keldi.

2 578 áýe jolaýshysynyń ishinde PTR testileýdiń teris nátıjesi bar anyqtamamen 2 311 adam, anyqtamasyz 267 adam keldi. Onyń bári - QR azamattary.

Onyń ishinde:

- Almaty qalasynyń áýejaıyna - 10 reıs, 1 604 jolaýshy, anyqtamamen - 1438, anyqtamasyz - 166.

- Nur-Sultan qalasynyń áýejaıyna - 7 reıs, 617 jolaýshy, anyqtamamen - 578, anyqtamasyz - 39;

- Aqtóbe qalasynyń áýejaıyna - 1 reıs, 228 jolaýshy, anyqtamamen - 169, anyqtamasyz - 59;

- Atyraý qalasynyń áýejaıyna - 1 reıs, 97 jolaýshy, anyqtamamen - 94, anyqtamasyz - 3;

- Aqtaý qalasynyń áýejaıyna - 1 reıs, barlyq 32 jolaýshy anyqtamamen keldi.

Anyqtamasyz kelgen Qazaqstan azamattary kelgen jeri boıynsha karantındik statsıonarlarǵa ornalastyryldy jáne PTR-taldaý ádisimen COVID-19-ǵa testilendi. PTR-taldaý nátıjeleri boıynsha bir jolaýshydan koronavırýs ınfektsııasy anyqtaldy.

Sonymen qatar, Túrkııadan ushyp kelgen shetel azamaty COVID-19 testinen ótý týraly merzimi ótken anyqtamany usynýyna baılanysty Almaty qalasynyń áýejaıynan deportatsııalandy.


Joǵary qaraı