Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Merzimi ótken: «SK-Farmatsııa» qoımalardaǵy 159 mln teńgeniń dári-dármegin joıady

2021 jyldyń 14 qazan 2021 12:43

NUR-SULTAN. QazAqparat - Senator Andreı Lýkın óziniń depýtattyq saýalynda Densaýlyq saqtaý mınıstrligi jáne oǵan qarasty kompanııalardyń qyzmetindegi zań talaptaryn buzý faktilerin atap ótti, dep habarlaıdy QazAqparat tilshisi.

Senatordyń aıtýynsha, Densaýlyq saqtaý mınıstrligi dári-dármek jáne medıtsınalyq ónimderge arnalǵan shyǵyndardy josparlaǵanda mańyzdy kórsetkishter joq nemese joǵary belgilengen bıýdjettik ótinim negizinde jasaǵan. Jumystaǵy mundaı tásil 66 mıllıard teńgege jýyq bıýdjet qarajatynyń tıimsiz jumsalýyna alyp keldi.

«2020 jyly 39 nozologııaǵa shamamen 66 mlrd teńge tıimsiz jumsaldy. Onda 6 nozologııa boıynsha 26 mlrd teńge kóleminde tolyq qarjylandyrylmaý aıasynda zań talaptarynyń osylaı buzylýyna jol berilgen. «SK-Farmatsııa» JShS saqtaý qoımalarynda 2019-2020 jyldary 159 mln teńgege satyp alynǵan preparattar saqtaýly, merzimi ótýine baılanysty olar joıýǵa jatady. Sonymen qatar, mınıstrlik Ulttyq ortalyqtyń esepteýleri negizinde, sondaı-aq Kodekstiń 76-babyna qaramastan dári-dármektiń shekti baǵasyn kóterip jibergen. Nátıjesinde, dári-dármek óz qunynan 1,5 mlrd teńgege qymbatqa satyp alyndy», - dedi Andreı Lýkın Senattyń jalpy otyrysynda.

Senator osyǵan baılanysty dárilik zattardy jetkizýshiler arasyndaǵy básekelestikke qarsy kelisimderdi ázirleýge, patsıentter týraly málimetterge mańyz bere otyryp anyqtyǵyn qamtamasyz etýge qatysty suraqtarǵa jaýap berýdi surady. Andreı Lýkın sonymen qatar mınıstrliktiń bıýdjettik ótinimin daıyndaý kezinde barlyq medıtsınalyq uıymdarǵa arnalǵan dárilik zattar men medıtsınalyq buıymdarǵa qajettilikti aıqyndaýdyń biryńǵaı erejesin ázirleýdiń mańyzdylyǵyn atap ótti.


Joǵary qaraı