Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Meıirim Nursultanovtyń eń úlken jekpe-jeginiń datasy aýysty

2022 jyldyń 18 qańtar 2022 16:30

NUR-SULTAN. QazAqparat – Orta salmaqta judyryqtasatyn qazaqstandyq Meıirim Nursultanov (15-0, 8KO) pen reseılik boksshy Andreı Sırotkın (19-1-1, 7KO) arasyndaǵy jekpe-jektiń datasy aýysty. QazAqparat bul týraly VKontakte áleýmettik jelisindegi «Qazaqstannyń kásipqoı boksy» paraqshasyna silteme jasap habarlaıdy.

Buǵan deıin aıqas 22 qańtarǵa josparlanǵan edi. Endi jekpe-jek 5 aqpan kúni Aqtaýda ótetin boks keshiniń basty oqıǵasy bolmaq. ⠀

Sırotkın sáýir aıyndaǵy sońǵy kezdesýinde Ulybrıtanııada jergilikti boksshy Dennı Dıgnýmmen teń túsken edi. Al Meıirim Nursultanov buǵan deıin sharshy alańǵa maýsymda shyǵyp, tóreshilerdiń biraýyzdy sheshimimen belarýs Dmıtrıı Atrohovtan basym tústi. ⠀

Aıta keteıik, qazaqstandyq boksshy – orta salmaqtaǵy WBC (USNBC) chempıony. Bedeldi BoxRec.com portaly Nursultanovtyń bul jekpe-jegine úsh juldyz (eń kóbi – bes juldyz bola alady) degen baǵa berip otyr. Bul Meıirimniń sporttyq mansabyndaǵy eń joǵary baǵa. Buǵan deıingi kezdesýleriniń bári eki juldyzdan aspaǵan edi.


Basty sózder: Boks, Sport, Qoǵam,
Joǵary qaraı