Aýa raıy
Astana 11 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

Microsoft resmı tilderiniń qataryna qazaq tilin qosty

2020 jyldyń 5 maýsym 2020 16:53

NUR-SULTAN. QazAqparat - Microsoft kompanııasy Microsoft Translator tilder tobyna qazaq tiliniń de qosylǵanyn jarııa etti, dep habarlaıdy QazAqparat Microsoft.com-ǵa silteme jasap.

«Tilge qatysty kedergini joıý jónindegi mıssııamyzdy jalǵastyrý barysynda Microsoft Translator tilder tobyna qazaq tilin qosqanymyzdy qýana habarlaımyz. Belgili Qazaqsha ne Qazaq Tili Qazaqstanda, Qytaıdyń batysynda, Mońǵolııanyń batysynda, Reseıdiń ońtústiginde jáne álemniń basqa elderinde qoldanylady. Qazaqsha sóıleıtin 22 mıllıonǵa jýyq adam bar», delingen álemdik kompanııanyń blogyndaǵy jazbada.

Taıaý arada qazaq tili Microsoft-tyń aýdarma jasaıtyn qoldanbalary, baptaýlary, Office baǵdarlamasy, Bing-ke arnalǵan aýdarmashyda jáne kásipkerler men baǵdarlama jasaýshylarǵa arnalǵan Azure Cognitive Services aýdarma qyzmeti sekildi jobalarynda qoljetimdi bolmaq.

Endi ınternet paıdalanýshysy kırılıtsa álipbıimen terilgen mátindi Microsoft Translator-de qazaqsha nemese basqa 60 shaqty tilge aýdarýǵa múmkindigi bar.

Eske sala ketsek, 2014 jyly jeltoqsan aıynda «WikiBilim» qory qazaq tilin taǵy bir álemdik alpaýyt kompanııa Google-diń aýdarma júıesine qosýdy qolǵa alǵan bolatyn.

«Qazaq tiliniń Google aýdarma júıesine qosylýy júıede bar 90 tildiń arasynda sózderdi, sóz tirkesterin, mátinderdi jáne tutastaı veb-paraqshalardy bir mezette ári tegin aýdarýǵa múmkindik beredi. Tehnologııalyq jaǵynan asa kúrdeli bul lıngvıstıkalyq platformaǵa kire alǵan nebári 90 ǵana til bar», - dedi «Wikibilim» qoǵamdyq qorynyń jetekshisi Raýan Kenjehanuly.



Joǵary qaraı