Aýa raıy
Astana -4 °S
Almaty 12 °S
valıýta baǵamy
USD 389.98
EUR 434.01
RUB 6.10
CNY 55.04

Mıkrokredıtteý paıyzben aqsha taratý ǵana bolmaýy kerek – Asqar Mamın

2019 jyldyń 17 qyrkúıek 2019 12:19

NUR-SULTAN. QazAqparat – Mıkrokredıt berý jaı ǵana paıyzben aqsha taratý bolmaýy kerek. Bul týraly búgin Úkimet otyrysynda QR Premer-Mınıstri Asqar Mamın aıtty, dep habarlaıdy QazAqparat tilshisi.

«Ózderińiz jaqsy bilesizder, bizdiń aldymyzda halyqtyń ál-aýqatyn jaqsartý, ómir sapasyn jaqsartý mindeti tur. Azamattarǵa ózderiniń kásipkerlik bastamalaryn iske asyrýǵa, kredıtterdi ońaı alýǵa, otbasylyq bıznes júrgizýge barlyq múmkindikterdi jasaýymyz qajet. Mıkrokredıt berý jaı ǵana paıyzben aqsha taratý bolmaýy kerek», - dedi Asqar Mamın Jambyl oblysy halqynyń tabysyn arttyrýǵa baǵyttalǵan ilki jobany talqylaý barysynda.

Osy rette Úkimet basshysy aımaq ákimi Asqar Myrzahmetovke jobany iske asyrý kezeńinde qatań baqylaý bolýy qajettigin eskertti.

«Jalpy bul jobany sapaly jáne ýaqytyly iske asyrýdyń mańyzdylyǵyn atap ótkim keledi. Jobany júzege asyrýdyń nátıjesinde jumyspen qamtýdyń ósýine jáne jańa jumys oryndaryn qurýǵa, halyqtyń tabysyn arttyrýǵa jáne kooperatsııanyń damýyna yqpal jasalady dep senemiz. Osyǵan oraı, Asqar Isabekuly, kelesi jyly ilki jobany iske asyrý qorytyndylaryn qarastyramyz. Aýyl sharýashylyǵy mınıstrligi men Eńbek mınıstrligine bir aı merzimde ilki jobany iske asyrý tetikterin engizýdi tapsyramyn», - dedi Premer-Mınıstr.


Avtor Marlan Jıembaı
Basty sózder: QR Úkimeti, Jambyl oblysy, Aımaq,
Joǵary qaraı