Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mınıstr Aıda Balaeva halyqaralyq uıym ókilderimen kezdesti

2021 jyldyń 17 qyrkúıek 2021 17:50

NUR-SULTAN. QazAqparat - Búgin QR Aqparat jáne qoǵamdyq damý mınıstri Aıda Balaeva vedomstvonyń jetekshilik etetin máseleleri boıynsha dıplomatııalyq korpýs ókilderi úshin brıfıng ótkizdi, dep habarlaıdy QazAqparat.

Brıfıng QR Prezıdenti janyndaǵy Ortalyq kommýnıkatsııalar qyzmetiniń konferents-zalynda ótti. Onyń jumysyna taıaý jáne alys shet memleketterdiń, halyqaralyq uıymdardyń 100-den astam ókilderi qatysty, olar baıandamalardy onlaın tyńdaı aldy, onyń ishinde 30-ǵa jýyǵy oflaın-formatta qatysty.




«Ashyqtyq pen syndarly dıalog – mınıstrligimizdiń basty ustanymy. Sonymen qatar, el Prezıdenti usynǵan «Halyq únine qulaq asatyn memleket» tujyrymdamasynyń iske asyrýy bastalǵannan beri bul qaǵıdat bizdiń mınıstrlik jetekshilik etetin barlyq salalarda jańa serpin berdi», — dep atap ótti Aıda Balaeva baıandamanyń basynda.

Máselen, mınıstrdiń óz qatysýymen 15-ke jýyq dıalog alańdary turaqty jumys isteıdi, olardyń quramy, - úshten ekisi qoǵamdyq belsendiler, sarapshylar, beıindik úkimettik emes uıymdardyń ókilderinen turady. Aıda Balaeva bul alańdarda QR AQDM qyzmetiniń negizgi baǵyttaryn anyqtaıtyn tıimdi sheshimder qabyldanatynyn atap ótti.




Mınıstr dıplomatııalyq korpýs pen halyqaralyq uıymdar ókilderine Mınıstrliktiń aqparat, azamattyq qoǵam, jastar jáne otbasy, etnosaralyq jáne dıasporalyq saıasat, sondaı-aq din salasynda júrgizip jatqan jumystary týraly baıandady.

Aıda Balaeva aqparat, qoǵamdyq keńester máseleleri boıynsha jańa zańnamalyq ózgerister men túzetýlerge, sondaı-aq Memleket basshysy Qasym-Jomart Toqaevtyń tapsyrmasy boıynsha qoǵamdyq baqylaý, onlaın-petıtsııa ınstıtýtyn zańdastyrý, kommertsııalyq emes uıymdar, dinı qyzmet jáne dinı birlestikter, memlekettik jastar saıasaty máseleleri boıynsha jańa zańnamalyq bastamalar týraly egjeı-tegjeıli toqtaldy.




Sonymen qatar, ol ótken jyly QR Prezıdentiniń Jarlyǵymen bekitilgen Azamattyq qoǵamdy damytý tujyrymdamasyn, sondaı-aq 2020-2022 jyldarǵa arnalǵan aqparat salasyn damytýdyń ulttyq josparyn iske asyrý, medıa sala mamandaryn oqytý, pandemııa jaǵdaıynda buqaralyq aqparat quraldaryn qoldaý sharalary jáne ınfodemııa jaǵdaıynda feıkterdiń taralýyna qarsy kúres sharalary týraly aıtyp berdi.

Mınıstrdiń sheteldik dıplomattarmen kezdesýi sheńberinde «Azamattyq bastamalardy qoldaý ortalyǵy» KEAQ jáne «Rýhanı jańǵyrý» QQDI» KEAQ qyzmetiniń prezentatsııasy ótkizildi.

«ABQO» KEAQ Basqarma tóraǵasy Lıma Dıas Qazaqstandaǵy memleket pen ÚEU ózara is-qımyl mehanızmin jetildirý týraly materıaldardy tanystyrdy.




«Rýhanı jańǵyrý» QQDI» KEAQ Basqarma tóraǵasy Asylbek Esenbaev Elbasy Nursultan Nazarbaevtyń «Bolashaqqa baǵdar: Rýhanı jańǵyrý» baǵdarlamalyq maqalasyn ilgeriletý strategııasyn iske asyrý týraly aıtyp berdi.

Shet memleketterdiń ókilderi Qazaqstandaǵy aqparat salalary men azamattyq qoǵamnyń ózekti damýy týraly tolyq aqparat alýǵa múmkindik úshin rızashylyqtaryn bildirdi.

QR Aqparat jáne qoǵamdyq damý mınıstrliginiń brıfıngi QR Syrtqy ister mınıstrliginiń kómegimen uıymdastyryldy.




Atalǵan is-sharanyń maqsaty Memleket basshysy Qasym-Jomart Toqaevtyń eldegi saıası jáne áleýmettik-ekonomıkalyq reformalardyń júzege asyrylý barysymen tanysý ekendigin atap ótý qajet.


Joǵary qaraı