Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mınıstr bıtým óndirý jospary nege oryndalmaǵanyn túsindirdi

2021 jyldyń 14 qyrkúıek 2021 12:30

NUR-SULTAN. QazAqparat – Jol qurylysy men jóndeý jumystarynyń qunyna áser etetin bıtým óndirý jospary 96 paıyz ǵana oryndalǵan. Energetıka mınıstri Maǵzum Myrzaǵalıev Úkimet otyrysynda osynyń sebebin túsindirdi, dep habarlaıdy QazAqparat tilshisi.

«Áýe otyny boıynsha kórsetkish 100 paıyz oryndaldy. Mazýt óndirisi jospardan 13 paıyz artyq. Sonymen qatar, esepti kezeńde 682 myń tonna bıtým óndirildi. Bul - 8 aıǵa josparlanǵan kórsetkishtiń 96 paıyzyna teń. Bıtým kóleminiń tómendeýiniń birden-bir sebebi – bıyl qysta halyq tarapynan gaz tutynýdyń ulǵaıýy. Osyǵan baılanysty «Gazpromneft – Bıtým» kompanııasyna gaz berý shektelgen bolatyn», - dedi Maǵzum Myrzaǵalıev.

Mınıstrdiń sózine sensek, munaı-gaz-hımııa ónimderiniń kólemi 96 myń tonna bolyp, jospar 100 paıyz oryndalǵan.

Sondaı-aq, elektr energııasyn óndirý jospary da tolyq iske asyp, 75,1 mlrd KVt/saǵatqa jetken.

Maǵzum Myrzaǵalıev Úkimet otyrysynda El aýmaǵynan avtomobılmen benzın áketýge salynǵan tyıym taǵy 6 aıǵa uzartylýy múmkin ekenin aıtty.

«Іshki naryqty dızel otynymen turaqty qamtamasyz etý úshin Pavlodar munaı-hımııa zaýytyndaǵy jóndeý jumystarynyń merzimin aýystyrý nemese qysqartý máselesi qazir pysyqtalýda. Buǵan qosa benzındi, dızel otyny men munaı ónimderiniń jekelegen túrlerin Qazaqstan aýmaǵynan avtomobılmen áketýge 6 aı merzimge tyıym salýdy kózdeıtin buıryqty taǵy jarty jylǵa sozý máselesi pysyqtalyp jatyr», - dedi mınıstr.


Joǵary qaraı