Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mınıstr qarjy salasy boıynsha qansha laýazym ıesiniń jaýapqa tartylǵanyn aıtty

2021 jyldyń 15 maýsym 2021 11:53

NUR-SULTAN. QazAqparat – Qarjy mınıstri Erulan Jamaýbaev salada jaýapqa tartylǵan laýazym ıeleri týraly aıtty, dep habarlaıdy QazAqparat tilshisi.

«Memlekettik aýdıt boıynsha aıtatyn bolsam, 2020 jyly 10,4 trln teńgege 1,4 mln-nan astam memlekettik satyp alý rásimi kameraldyq baqylaýmen qamtyldy. Qorytyndysy boıynsha 983 mlrd teńgege ereje buzýshylyqtar eskertildi. 251 mlrd teńgege qarjylyq buzýshylyqtar anyqtaldy, onyń 74 paıyzy býhgalterlik esep pen qarjylyq eseptilikti júrgizý kezinde ereje buzýshylyqtarǵa tıesili», - dedi E. Jamaýbaev halyq aldynda esep berýi kezinde.

Onyń aıtýynsha, taýarlardy jetkizýdi, qyzmetterdi kórsetýdi jáne jumystardy oryndaýdy qalpyna keltirý, bıýdjetke óteý jáne esepke alý boıynsha kórsetý jolymen 237 mlrd teńgege kemshilikter joıyldy.

«251 materıal quqyq qorǵaý organdaryna jiberildi, al ereje buzýshylyqtarǵa jol bergeni úshin 2 349 laýazym ıesi jaýapqa tartyldy. Aýdıt obektileri qyzmetiniń tıimdiligin arttyrý úshin 1 950 usynym berildi», - dedi mınıstr.


Avtor Rýslan Ǵabbasov
Basty sózder: QR Qarjy mınıstrligi, Zań,
Joǵary qaraı