Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mınıstr Qazaqstan-AQSh avıareısin iske qosý nelikten sozylyp ketkenin túsindirdi

2021 jyldyń 30 qarasha 2021 02:10

NUR-SULTAN. QazAqparat – Indýstrııa jáne ınfraqurylymdyq damý mınıstri Beıbit Atamqulov Qazaqstan men AQSh arasynda tikeleı áýe reısin iske qosý nege sozylyp ketkenin túsindirdi, dep habarlaıdy QazAqparat tilshisi.

«Kezinde Tuńǵysh Prezıdent - Elbasy Nursultan Nazarbaev AQSh-qa, Sıngapýrǵa, Tokıoǵa reıster ashý týraly tapsyrma bergen bolatyn. Árıne, bul aıtarlyqtaı aýqymdy mindet. Óıtkeni ushaqtardyń alys qashyqtyqqa ushatyn jańa túrlerin satyp alý kerek degendeı. Biz óndirýshilermen tıisti kelissózder júrgizdik. Osy kezde qatynaı bastady, Sıngapýr boıynsha pysyqtap jatqan kezde pandemııa burq ete qaldy», - dep eske aldy Beıbit Atamqulov «Habar» telearnasyndaǵy «Ult múddesi» baǵdarlamasynda.

Sondaı-aq mınıstr byltyr jeltoqsan aıynda AQSh-pen kelisimge qol qoıylǵanyn eske saldy.

«Tarıhta alǵash ret biz áýe kompanııalarymyzǵa ıkemdi ushý júıesin paıdalanýǵa múmkindik beretin kelisimge qol qoıdyq. Bul erkindiktiń besinshi jáne jetinshi dárejesi. ıAǵnı qazaqstandyq áýe kompanııalary Nıý-Iorkke qonyp, ol jerden alǵan jolaýshylardy Kanadanyń Ottava nemese Toronto sııaqty qalalaryna jetkize alady. Al Amerıka ushaqtary Qazaqstanǵa bir qonyp alyp, Túrkııaǵa nemese Mońǵolııaǵa qatynaı alady», - dep túsindirdi QR vedomstvo basshysy.

Budan bólek ol Qazaqstan men AQSh arasyndaǵy reıster qashan iske qosylýy múmkin ekenin aıtty.

«Bul endi naryqtyń, bıznestiń quzyryndaǵy sharýa. Biz mınıstrlik tarapynan ózimizdiń áýe kompanııalaryna qajetti jaǵdaıdy jasadyq. Eki kompanııa AQSh-qa tikeleı qatynaıtyn reıs ashýǵa daıyn ekenderin aıtyp otyr. Olardyń ózderine tıimdi reıs qalyptastyrýy úshin biraz ýaqyt kerek. Meniń oıymsha 2023-2024 jyldarǵa deıin osy baǵyttaǵy daıyndyq jumystary júredi», - dep túıindedi Beıbit Atamqulov.


Joǵary qaraı