Aýa raıy
Astana -6 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

Mınıstr mekteptegi dárethana týraly: Usaq másele dep qaraýǵa bolmaıdy

2020 jyldyń 20 qazan 2020 13:38

NUR-SULTAN. QazAqparat - Bilim berý uıymdaryn jyly dárethanalarmen qamtýdy usaq másele dep qaraýǵa bolmaıdy. Bul týraly QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

«Jalpy aýqymdy jumys júrgizildi. Bizge «bul mınıstrlik deńgeıinde qaraıtyn másele emes» degen pikirler jetip jatyr. Biraq, balalardyń qaýipsizdigine, densaýlyǵyna baılanysty másele bolǵannan keıin muny usaq jaıt dep qaraýǵa bolmaıdy. Óte mańyzdy másele. Aldyńǵy jyly Taraz qalasynda oryn alǵan oqıǵa áli de esterińizde bolýy kerek. Sondyqtan bizge bul máseleni sheshý boıynsha 10 aı buryn Memleket basshysynyń tapsyrmasy bolǵan. Qazir ózderińiz kórip otyrsyzdar, buǵan deıin 2 700 mekteptiń sanıtarlyq-gıgıenalyq qajettilikteri bolmasa, búginde 2 456 mektepte jyly dárethanalar salynyp, paıdalanýǵa berilip otyr. Qalǵany - 245. Onyń 195-i qazir salynýda, qalǵan 50-i boıynsha da jumys bastalypty», - dedi Ashat Aımaǵambetov mınıstrliktiń apparat keńesi barysynda.

Sonymen qatar mınıstr jyly dárethanalardyń jumys istep turýy, odan keıin bólek kabınalardyń bolýy, sýmen qamtamasyz etilýi, basqa da máseleler sheshilýi kerektigin basa aıtty.

«Dáretahanany salǵanymen ony jaýyp qoıyp, daladaǵy dárethanaǵa baryp júretindeı jaǵdaıǵa jol bermeýimiz kerek. Ondaı jaıttar da kezdesip turady, jasyratyny joq. Ony aldyńǵy jyly kórdik. Sondyqtan úlken jumys júrgizildi deýge bolady. Degenmen, óńirler boıynsha jyldyń sońyna deıin júrgiziletin jumys kórsetildi. Bilim basqarmalarynyń basshylary osyny basty baqylaýǵa alýy kerek. Jeltoqsanda bul máseleni qaıta qaraımyz», - dedi ol.

Aıta keterligi, apparat keńesi barysynda QR Bilim jáne ǵylym mınıstrligi Bilim jáne ǵylym salasyndaǵy baqylaý komıtetiniń basshysy Gúlzat Kóbenova Atyraý, Almaty, Shyǵys Qazaqstan, Jambyl, Batys Qazaqstan, Qaraǵandy, Túrkistan oblystarynda jáne Shymkent qalasynda mektepterge jyly dárethana salý máselesi tejelip otyrǵanyn aıtqan edi.

Joǵary qaraı