Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mınıstr Jambyl Jabaevtyń mereıtoıy aıasynda ótken sharalar týraly aıtty

2021 jyldyń 14 qazan 2021 13:57

NUR-SULTAN. QazAqparat –Jambyl Jabaevtyń 175 jyldyq mereıtoıynyń aıasynda memlekettik tapsyryspen shyqqan 10 tomdyq jınaq respýblıkalyq kitaphanlarǵa 30 myń danamen taratylady, dep habarlaıdy QazAqparat tilshisi.

Bul týraly QR Mádenıet jáne sport mınıstri Aqtoty Raıymqulova elordadaǵy Ulttyq akajemııalyq kitaphanada ótken sharada aıtty.

«Uly aqynnyń mereıtoıy bıyl jalpy respýblıkalyq jospar boıynsha jan-jaqty iske asyrylýda. Mınıstrlik tarapynan jyl ishinde aqynnyń shyǵarmashylyǵyn nasıhattaýǵa baǵyttalǵan ádebı keshter, taqyryptyq ekskýrsııalar, kitap kórmeleri, dóńgelek ústelder, aqyndar aıtysy jáne basqa da is-sharalar ótkizilýde. Jambyl tulǵasyn shetelde tanytý baǵytynda da eleýli jumystar júrgizilýde. Bıyl mamyr aıynda Belarýs, Ázerbaıjan elderinde «Jambyl» kórkem fılminiń kórsetilimi ótti. Maýsym aıynda Kanadada «Jambyl toıy – jyr toıy» atty derekti fılm kórsetildi. Sondaı-aq, Qazaqstan Respýblıkasynda Jambyl jyly jarııalanýyna baılanysty halyqaralyq qazaq-qyrǵyz aıtysy ótip, el atynan qatysqan 8 aqynnyń ishinde Aıbek Qalıev bas júldege ıe boldy», - degen mınıstr aqynnyń tańdamaly shyǵarmalary qyrǵyz tiline aýdarylyp, kitaptyń tusaýkeseri ótkenin eske saldy.

«Jaqynda ǵana Túrksoı halyqarylyq uıymynyń uıymdastyrýymen Túrkııada Jambyl óleńderi túrik tiline aýdarylyp, tanystyryldy. Aqyn shyǵarmashylyǵyn ǵylymı zertteý baǵytynda «Jyr alyby» jáne «Aqyn Jambyl Jabaevtyń shyǵarmashylyǵy tarıh aınasynda» atty ǵylymı-praktıkalyq dóńgelek ústel uıymdastyrylyp, «Jambylǵa jańasha kózqaras» atty maqalalar jınaǵy shyǵaryldy. Osyndaı ıgilikti isterdiń qatarynda jalpy respýblıkalyq is-sharalar jospary aıasynda memlekettik tapsyryspen Jambyl Jabaevtyń shyǵarmashylyǵy men ómir jolyna arnalǵan 10 tomdyq kitaptyń jaryqqa shyqqanyn atap ótýimiz kerek. Búgin kópilik oqyrmanǵa tanystyrylǵaly otyrǵan bul jınaq 30 myń basylyp shyǵyp, respýblıka kitaphanalaryna taratylady», - dedi Aqtoty Raıymqulova.
Joǵary qaraı